- २७ असार २०८३, शनिबार / Jul 11, 2026
काठमाडौं, ०७ असार । बितेका २४ घण्टामा काठमाडौं उपत्यकामा ट्राफिक कारबाही अन्तर्गत एक हजार ७८२ सवारीचालक कारबाहीमा परेका छन् । यसबाट राज्यकोषमा चार लाख ९४ हजार रुपैयाँ राजस्व दाखिला भएको छ ।
काठमाडौं उपत्यका ट्राफिक प्रहरी कार्यालयका अनुसार मादकपदार्थ सेवन गरेर सवारी चलाउने ८३ जना, नियमविपरीत राइड सेयरिङ गर्ने ७५ जना, सङ्केत बत्ती उल्लङ्घन गर्ने ८२ जना तथा तीव्रगतिमा सवारीसाधन चलाउने ११० जनामाथि ट्राफिक कारबाही गरिएको हो ।
त्यसैगरी लेन अनुशासन पालना नगर्ने ६५ जना, निषेधित क्षेत्रमा हर्न बजाउने ७१ जना, सडकपेटीमा सवारीसाधन पार्किङ गर्ने ८७ जना तथा एकतर्फी बाटोमा सवारी चलाउने ६८ जनालाई पनि कारबाही गरिएको प्रहरीले जनाएको छ ।
यसबाहेक अन्य सवारी नियम उल्लङ्घन गर्ने एक हजार १४१ जना चालकसमेत ट्राफिक कारबाही मा परेका छन् । ट्राफिक प्रहरीले सवारी नियमको पालना गर्न तथा सुरक्षित यातायात व्यवस्थापनमा सहयोग गर्न सबै चालकलाई आग्रह गरेको छ ।
