भर्खरै : Sorry, your browser does not support inline SVG.
नवदुर्गाको धार्मिक तथा सांस्कृतिक महत्व उजागर गर्न ‘अस्त्र टेम्पल क्वेस्ट २०८३’ | भक्तपुरको इतिहास र संघर्ष नयाँ पुस्तालाई बुझाउनुपर्छ : बिजुक्छेँ | यूएईमा भीषण सडक दुर्घटना : २३ गाडी ठोक्किँदा १४ जनाको मृत्यु, ३० घाइते | पर्वतीय क्षेत्र र जलवायु परिवर्तनका मुद्दालाई संस्थागत एजेन्डा बनाउन नेपालको आग्रह | माइक्रोबस दुर्घटनामा एउटै गाउँका १३ जनाको मृत्यु, चक्रघट्टामा शोकबिदा | आइतबारदेखि वर्षा र हिमपातको सम्भावना, खेतमै धान छ भने तत्काल भित्र्याउन आग्रह | प्रधानमन्त्रीको विशेष सुरक्षा सल्लाहकारमा कार्की नियुक्त, पत्र बुझ्न भने अस्वीकार | १० करोड खर्चेको कान्तिताल अलपत्र, लागुऔषध दुर्व्यसनीको अखडा बन्दै |

ट्रम्प प्रशासनले भेनेजुएलामा तेल उत्पादन पुनः शुरू गर्ने तयारी

ट्रम्प प्रशासनले भेनेजुएलामा तेल उत्पादन पुनः शुरू गर्ने तयारी

एजेन्सी, २३ पुष । अमेरिकी राष्ट्रपति डोनाल्ड ट्रम्पको प्रशासनले भेनेजुएलामा कच्चा तेल उत्पादन पुनः शुरू गर्ने विषयमा यसै हप्ताभित्र अमेरिकी तेल कम्पनीहरूसँग छलफल गर्ने तयारी गरेको छ। भेनेजुएलामा ठूलो मात्रामा रहेको तेल भण्डारलाई पुनः प्रयोगमा ल्याउने उद्देश्यले यो पहल अघि बढाइएको हो।

अमेरिकाले भेनेजुएलाका राष्ट्रपति निकोलस मादुरोलाई सत्ताच्युत गरेपछि एक्सन मोबिल, शेवरन र कोनोकोफिलिप्सजस्ता ठूला अमेरिकी तेल कम्पनीहरूलाई पुनः भेनेजुएलामा फर्काउने प्रयास गरेको हो। झण्डै दुई दशकअघि भेनेजुएला सरकारले अमेरिकी तेल कम्पनीका सञ्चालनहरू राष्ट्रियकरण गर्दै आफ्नै नियन्त्रणमा लिएको थियो। ट्रम्प प्रशासन अब ती सञ्चालनहरू पुनः अमेरिकी कम्पनीहरूको हातमा सुम्पन चाहन्छ।

यद्यपि तेल कम्पनीका अधिकारीहरूले भेनेजुएलाको तेल पूर्वाधार अत्यन्त जीर्ण अवस्थामा पुगेको भन्दै त्यसलाई सुधार गर्न अर्बौं डलरको लगानी र धेरै वर्षको निरन्तर मेहनत आवश्यक पर्ने संकेत गरेका छन्। रोयर्टसका अनुसार हालको अवस्थाले तत्काल ठूलो मात्रामा उत्पादन शुरू गर्न चुनौतीपूर्ण देखिएको छ।

भेनेजुएलासँग विश्वकै ठूलो तेल भण्डारमध्ये एक रहेको छ। त्यहाँ उत्पादन हुने कच्चा तेल विशेष गरी अमेरिकी रिफाइनरीहरूका लागि अत्यन्त उपयोगी मानिन्छ। यही कारण अमेरिकाले भेनेजुएलाको तेल क्षेत्रलाई पुनः सक्रिय बनाउने रणनीति अघि बढाएको विश्लेषकहरूको भनाइ छ।

 


Thali Mobile Pvt.Ltd.