- ६ कार्तिक २०८३, शुक्रबार / Oct 23, 2026
ऐजेन्सी । अमेरिकी पूर्वराष्ट्रपति डोनाल्ड ट्रम्प र युक्रेनी राष्ट्रपति भोलोदिमिर जेलेन्स्कीबीच भ्याटिकनमा भेटवार्ता भएको छ। पोप फ्रान्सिसको अन्त्येष्टि समारोह सुरू हुनु अघिको छोटो भेटमा, ट्रम्पले रुसी राष्ट्रपति पुटिनको युद्ध अन्त्य गर्ने इच्छाशक्ति माथि प्रश्न उठाउनुभएको बताइएको छ।
यो भेट फेब्रुअरीमा भएको अमेरिका–युक्रेन विवादपछिको उनीहरूको पहिलो प्रत्यक्ष संवाद हो। विवादका कारण केही समयका लागि हतियार आपूर्ति र गुप्तचर जानकारीको आदानप्रदान समेत रोकिएको थियो।
राष्ट्रपति जेलेन्स्कीले सामाजिक सञ्जालमार्फत ट्रम्पसँगको सकारात्मक भेटका लागि धन्यवाद दिँदै, यो भेट युक्रेनी नागरिकको जीवन रक्षा र बिना सर्त दीगो शान्तिको सम्भावनाका लागि महत्वपूर्ण भएको उल्लेख गर्नुभएको छ।
