- १ कार्तिक २०८३, आईतवार / Oct 18, 2026
मुख्य बुँदा
सरकारले भिजिट भिसासम्बन्धी पुराना ६ बुँदे मापदण्ड खारेज
नयाँ मापदण्ड अनुसार विदेश यात्रा गर्न छ महिनाभित्रको वैध राहदानी, गन्तव्य देशको भिसा, दुईतर्फी हवाई टिकट र स्वघोषणा पर्याप्त
पहिलेको मापदण्डमा होटेल बुकिङ, आफन्तको तीन पुस्ते विवरण, ५ सय डलर बोकेर लैजानु आदि प्रावधान थिए
नयाँ व्यवस्थाले भिसिट भिसामा विदेश जान चाहनेलाई सहज बनाउने
भिसाका आवरणमा हुने तस्करी तथा ठगी नियन्त्रणमा मद्दत गर्ने अपेक्षा
काठमाडौँ, १४ कार्तिक । सरकारले भिजिट भिसासम्बन्धी ६ बुँदे पुराना मापदण्ड खारेज गरेको छ । अध्यागमन विभागको प्रस्तावमा गृह मन्त्रालयले यो निर्णय गरेको हो ।
नयाँ मापदण्ड अनुसार विदेश यात्रा गर्न अब छ महिनाभित्रको वैध राहदानी, गन्तव्य देशको वैध भिसा, दुईतर्फी हवाई टिकट र स्वेच्छाले यात्रा गर्ने स्वघोषणा पर्याप्त हुनेछ ।
यसअघि दुईतर्फी हवाई टिकट, होटेल बुकिङ, आफन्तकोमा बस्ने भए तीन पुस्ते विवरण खुल्ने कागजात, छ महिनाभित्रको वैध राहदानी, वैध भिसा, ५ सय डलर साथमा बोक्नुपर्ने लगायतका प्रावधान थिए । यूएई, बहराइन, कुवेत, कतार, ओमान र साउदीका लागि स्वघोषणा अनिवार्य थियो ।
यी प्रावधानमा विरोध भएपछि विवादास्पद मापदण्ड हटाइयो र नयाँ व्यवस्थाले भिजिट भिसामा विदेश जान चाहने व्यक्तिहरूलाई सजिलो बनाउने तथा भिसाका आवरणमा हुने तस्करी र ठगी नियन्त्रणमा मद्दत गर्ने अपेक्षा गरिएको छ ।
