विश्व पुस्तक तथा प्रतिलिपि अधिकार दिवस मनाइयो

काठमाण्डौ । आज विश्व पुस्तक तथा प्रतिलिपि अधिकार दिवस मनाइएको छ । ‘दिगो विकास लक्ष्य हासिल गर्न साहित्यको भूमिका’ नाराका साथ मनाइएको यो दिवसले पठन संस्कृति र बौद्धिक सम्पत्तिको संरक्षणमा जोड दिएको हो ।

संयुक्त राष्ट्रसङ्घीय शैक्षिक, वैज्ञानिक तथा सांस्कृतिक सङ्गठन (युनेस्को) ले सन् १९९५ मा अप्रिल २३ लाई यो दिवसका रूपमा मनाउने निर्णय गरेको थियो । दिवसको उद्देश्य पुस्तक, लेखक र पठन संस्कृतिप्रति सम्मान व्यक्त गर्नुका साथै प्रतिलिपि अधिकारसम्बन्धी सचेतना फैलाउनु हो ।

नेपालमा वि.सं २०२२ मा प्रतिलिपि अधिकारसम्बन्धी कानून लागू भएको थियो । आजको दिन विश्व साहित्यका लागि पनि विशेष छ, किनभने विलियम शेक्सपियर र इन्का गार्सिलासो डेला भेगाको निधन यही दिन भएको थियो ।

पहिले स्पेनका लेखक मिग्वेल डी क्रेभान्टेसको सम्मानमा अप्रिल ७ मा यो दिवस मनाइन्थ्यो, तर उनको निधन २३ अप्रिलमा भएकाले पछि यो मिति तय गरिएको हो । विभिन्न कार्यक्रमसहित आज यो दिवस विश्वभर मनाइएको छ ।