एक फर्निचर उद्योगमा आगलागी, २ करोड बढीको क्षति

रुपन्देही । तिलोत्तमा नगरपालिका पत्थरडाँडाको एक फर्निचर उद्योगमा आगलागि हुँदा २ करोड रुपैयाँबढीको क्षति भएको छ ।

पत्थरडाँडामा रहेको कनौजे ट्रेडर्समा आगो लाग्दा उद्योग र सोरुममा रहेको सबै फर्निचर जलेर नष्ट भएको वडा नम्बर १३ का वडाध्यक्ष गणेश न्यौपानेले बताए ।

आगो ७ घण्टापछि नियन्त्रणमा लिइएको जिल्ला प्रहरी कार्यालय रुपन्देहीका प्रवक्ता सत्यनारायण थापाले बताए ।

प्रवक्ता थापाले दमकलले मात्रै आगो नियन्त्रणमा लिन नसकेपछि डोजर लगाएर भवन नै भत्काउनु परेको बताए।