- ३१ आश्विन २०८३, शनिबार / Oct 17, 2026
काठमाडौं । आगामी बिहीबारदेखि शुरु हुने माध्यमिक शिक्षा परीक्षा (एसईई) का केन्द्रमा अनिवार्य हेल्थ डेस्क राख्न र सावधानीपूर्वक सञ्चालन गर्न निर्देशन दिईएको छ ।
शिक्षा, विज्ञान तथा प्रविधिमन्त्री गिरिराजमणि पोखरेलले अपिल जारी गर्दै परीक्षा सम्वन्धि यस्तो निर्देशन दिएका हुन् । चैत्र ६ देखि १७ सम्म संचालन हुने परीक्षामा यो वर्ष देशभरका कुल ४ लाख ८२ हजार २सय १९ परीक्षार्थी सहभागी हुने छन् ।
एसइई परीक्षाका लागि १ हजार ९ सय ९५ परीक्षा केन्द्र तोकिएको छ ।मन्त्री पोखरेलले जारी गरेको अपिलमा भनिएको छ, ‘यतिबेला कोरोनाको संक्रमण रोकथाम गर्ने र एसइई परीक्षलाई मनोबैज्ञानिक एवं त्रासमुक्त वातावरणमा सम्पन्न गर्ने जिम्मेवारी पूरा गर्नुपर्ने छ ।
मन्त्री पोखरेलले मुलुकको विशेष परिस्थितिलाई ध्यानमा राखेर विद्यालयमा सांस्कृति कार्यक्रम, वार्षिक अभिभावक दिवस, नतिजा सार्वजनीकरण, प्रवेश परीक्षा वा भर्नाका नाममा भीडभाड वा आम भेला नगर्न अनुरोध गरेका छन् ।
