- २१ भाद्र २०८३, आईतवार / Sep 6, 2026
१५ बैशाख २०७७ काठमाडौं । जनता नै शक्तिका स्रोत हुन् र जनताबाट नै सबै कुरा सिक्न सकिन्छ भन्ने कुराको प्रमाण बनेका छन् जनार्दन शर्मा प्रभाकर ।
पूर्वगृहमन्त्री तथा नेकपाका नेता प्रभाकरले जनपरिचालनबाट १० दिनमै अस्पताल निर्माण गरेर देखाएका छन् । विश्वमा कोरोना भाइरसले महामारीको रुपलगेकाले सम्भावित खतरा आउन नदिन उनले रुकुम पश्चिमको आठबीसकोट नगरपालिकामा अस्पताल निर्माणको काम थालेका हुन् ।
भवन निर्माणका लागि आफै श्रममा खटिएर रुकुम आठबिसकोट नगरपालिकामा सुविधा सम्पन्न ८ कोठाको अस्पताल निर्माणमा जुटेका हुन् ।जनयुद्धले सिकाएको अनुभव र राज्यसंचालनका केही सिपले उनको इच्छाशक्तिलाई साथ दिएको छ श्रम सहकारीले ।
१० दिनमा ८ कोठाको अस्पताल (आइसोलेसन भवन) निर्माणमा श्रम सहकारीले दिएको साथले यतिबेला जनार्दन शर्मालाई जनताको नेतृत्व भनेर परिभाषित गरिदिएको छ । इच्छाशक्ति भयो, जनताले आफ्नै लागि आफैले अस्पताल निर्माण गरेको नेता शर्माको भनाई छ ।
जनताका समस्या समाधान गर्न जुनसुकै कठिनाईको पनि सामना गर्न तयार रहने प्रभाकर दुरदर्शी नेताको रुपमा परिचित छन् । चीनमा दश दिनमै हजार शैयाको अस्पताल निर्माणबाट प्रभावित नेता शर्माले गर्न चाहे सबैकुराको सम्भव रहेको उदाहरण देखाएका छन् ।
नवनिर्मित आइसोलेसन भवनको औपचारीक उद्घाटन हुन बाँकी रहेकाे नगरपालकाले जनाएकाे छ । यसबाट अन्य प्रदेश र नेतृत्वले पनि सिकाे गर्नु पर्ने नगरपालिकाकाे ठहर छ ।
