भर्खरै : Sorry, your browser does not support inline SVG.
नवदुर्गाको धार्मिक तथा सांस्कृतिक महत्व उजागर गर्न ‘अस्त्र टेम्पल क्वेस्ट २०८३’ | भक्तपुरको इतिहास र संघर्ष नयाँ पुस्तालाई बुझाउनुपर्छ : बिजुक्छेँ | यूएईमा भीषण सडक दुर्घटना : २३ गाडी ठोक्किँदा १४ जनाको मृत्यु, ३० घाइते | पर्वतीय क्षेत्र र जलवायु परिवर्तनका मुद्दालाई संस्थागत एजेन्डा बनाउन नेपालको आग्रह | माइक्रोबस दुर्घटनामा एउटै गाउँका १३ जनाको मृत्यु, चक्रघट्टामा शोकबिदा | आइतबारदेखि वर्षा र हिमपातको सम्भावना, खेतमै धान छ भने तत्काल भित्र्याउन आग्रह | प्रधानमन्त्रीको विशेष सुरक्षा सल्लाहकारमा कार्की नियुक्त, पत्र बुझ्न भने अस्वीकार | १० करोड खर्चेको कान्तिताल अलपत्र, लागुऔषध दुर्व्यसनीको अखडा बन्दै |

साग : नेपाललाई १५ स्वर्ण

साग : नेपाललाई १५ स्वर्ण

काठमाडौं । १३औं दक्षिण एसियाली खेलकुद सागमा नेपालले सर्वाधिक १५ स्वर्ण जितेको छ । नेपालले रजत पदक जित्दै दिनको शुरुवात गरेपनि सर्वाधिक स्वर्ण दिलाएका तेक्वान्दो र करातेको खेलहरु सोमबारबाटै शुरु भएकोले नेपालले पहिलो दिन धेरै स्वर्ण आफनो पक्षमा पार्न सफल भएको हो ।

तेक्वान्दो र करातेमा नेपालले समान ७ स्वर्ण जित्दा ट्रायथलनमा १ स्वर्ण जित्यो । कराँतेकी चन्चला दनुवारको रजत पदकबाट दिनको शुरुवात गरेको नेपालले अन्तिममा तेक्वान्दोको पुम्सेतर्फ टिम इभेन्टमा स्वर्ण जितेको हो ।

कराँतेको महिला एकल कातातर्फ चन्चला दनुवार फाइनलमा पाकिस्तानी खेलाडीसँग पराजित भइन् । यस स्पर्धामा पाकिस्तानकी साइदाले स्वर्ण जितिन् र उनी १३औं सागमा पिहलो स्वर्ण जित्ने खेलाडी बनिन्।

सोमबार दिनैभर सातदोबाटोबाट नेपालको लागि खुशीको खबर आइरहँदा कराँतेका मण्डेकाजी श्रेष्ठ र तेक्वान्दोकी आयशा शाक्यले २(२ स्वर्ण जिते । सन् १९९९ मा नेपालमै भएको आठौं सागमा गंगाराम महर्जनले कराँतेको एकल कातामा स्वर्ण जितेका थिए ।

यसैगरी पोखरामा सोमबारै देखि शुरु भएको ट्रायथलनमा पनि नेपालले पहिलो दिन एक स्वर्ण जित्यो । २०१६ मा भारतमा भएको १२ औं संस्करणबाट समावेश भएको ट्रायथलनमा नेपालले पहिलो स्वर्ण जितेको हो । महिलातर्फ सोनी गुरुङले नेपाललाई स्वर्ण दिलाएकी हुन् । यस्तै नेपालले ट्रायथलनमा एक कास्य समेत जित्यो ।

 


Thali Mobile Pvt.Ltd.