सप्तकोशी पानीजहाज बन्द, सुरक्षा खै ?

सुनसरी । सुनसरीस्थित सप्तकोशी नदीको चतराबाट सञ्चालन हुँदै आएको पानीजहाज बन्द भएको छ । दुई वर्षदेखि व्यावसायिकरुपमा सञ्चालन हुँदै आएका सात पानीजहाज असुरक्षाका कारण बुधबारदेखि बन्द भएका हुन् ।

कमिशन, बिना टिकट यात्रा, अनाधिकृत बुकिङलगायतक धम्की दिदै जहाज सञ्चालनमा स्थानीयले अवरोध सिर्जना गरेपछि पानी जहाज बन्द गर्नुपरेको सञ्चालकले पत्रकार सम्मेलनमार्फत जानकारी दिएको छ । स्थानीय सरकारले शान्ति सुरक्षाको प्रत्याभूति नदिएसम्म सेवा बन्द गर्ने सञ्चालकले बताएका छन् ।

जेटबोट (पानीजहाज)मा करोडौँको लगानी डुब्ने भन्दै यसबाट पर्यटन प्रवद्र्धनमा क्षेती पुग्ने र स्थानीयलाई आवागमनमा समेत असहज पैदा हुने जनाईएको छ ।

सप्तकोशीमा नदीमा सञ्चालन हुँदै आएको पानी जहाजमा एक यात्रु बराबर पाँच लाखको दुर्घटना बीमा रहेको भन्दै सञ्चालक राजेन्द्र कार्कीले पानीजहाजबाट सुनसरी चतराबाट भोजपुर सीमाना सिम्मेसम्मको सेवामा अबरोध हुने बताए ।