- ५ आश्विन २०८३, सोमबार / Sep 21, 2026
काठमाण्डौ । सुनसरीको हरिनगर लगायतका आसपासका क्षेत्रमा सामाजिक सद्भाव कायम राख्न सुरक्षा व्यवस्था कडा पारिएको छ । चार दिनअघि शुरु भएको प्रदर्शन हिंसात्मक हुन नदिन प्रहरीले सुरक्षा व्यवस्था कडा बनाएको हो ।
शान्ति सुरक्षालाई मध्यनजर गर्दै हरिनगर गाउँपालिका पूरै क्षेत्र र देवानगन्ज वडा नम्बर १ र ७ मा कफ्र्यु आदेशलाई कायमै राखेको छ । कर्फ्यू लागे पनि स्थानीय नागरिकको दैनिकी नरोकिने जिल्ला प्रशासन कार्यालयले जनाएको छ ।
समस्या समाधानको लागि छलफल भैरहेको बेला एक्कासी एक समूहले प्रदर्शन थालेपछि प्रहरीले केही राउण्ड हवाइफायर र अश्रुग्यास समेत प्रहार गरेको थियो ।
प्रदर्शनकारीले सुरक्षाकर्मीमाथि ढुङ्गामुढा प्रहार गर्दा ९ जना प्रहरी घाइते भएका जिल्ला प्रशासन कार्यालय सुनसरीले जनाएको छ ।
