अन्तिम नामावली प्रकाशन गरी चुनाव चिन्ह दिने

काठमाण्डौ । उपचुनावका लागि उम्मेदवारी दिएका कुनै पनि उम्मेदवारविरुद्ध उजुरी नपरेको जनाइएको छ । प्रतिनिधिसभा अन्तर्गत इलाम २ र प्रदेशसभा अन्तर्गत बझाङ १ (क) मा हुने निर्वाचन उपचुनावका लागि उम्मेदवारी दिएका कुनै पनि उम्मेदवार विरुद्ध उनजुरी नपरेको निर्वाचन अधिकृतको कार्यालयले जनाएको हो ।

आउँदो वैशाख १५ गते इलाम–२ र बझाङ प्रदेशसभा १ (क) मा उपचुनाव हुन लागेको हो । इलाम–२ मा २० र बझाङ १ (क) मा १२ जनाको उम्मेदवारी परेको थियो ।

आइतबार उम्मेदवारी दर्ता गराएका उनीहरूमाथि सोमबार उजुरी दिने समय तोकिएको भए पनि कुनै उजुरी नपरेको निर्वाचन अधिकृतको कार्यालयले जनाएको हो । उम्मेदवारको नामावाली प्रकाशन तथा बुधबार नाम फिर्ता र अन्तिम नामावली प्रकाशन गरी चुनाव चिन्ह दिने कार्यसूची छ ।