कम्प्युटर, माेवाइल र टिभिमा हेर्दा समस्या भयाे ? घरेलु यी औषधि सेवन गर्नुस्

१५ बैशाख २०७७ काठमाडाैं । लकडाउनका कारण मानिसहरु कम्प्युटर, ल्यापटम, मोबाइल र टिभीमा धेरै लामो समय जाेडिएर काम गरिरहेका छन् । लगातार स्क्रीनको अगाडि बस्दा आँखामा नराम्रो असर परेकाे पतै भएकाे छैन ।

तर यसकाे कारणले कालो धब्बा देखिने, आँखा पाेल्ने, आँखाबाट आसु आउने जस्ता समस्याहरु पैदा हुन्छन् । जसका कारणले आँखा वरीपरि चाउरीपना पनि देखिन्छ यसका साथै आँखा थकित हुन्छ ।

यस्तो अवस्थामा आँखा सुरक्षित कसरी राख्ने ?
अपनाउनुस् घरेलु यी औषधि

टी ब्याग 

चियाको पातमा क्याफिनको मात्रा धेरै पाइन्छ । यसले आँखा सुन्निएको कम गर्छ र आँखामा रक्तसञ्चार गराउँन मद्दत गर्छ । त्यसैले टि ब्यागलाई चिसो बनाउन फ्रिजमा राख्नुहोस् र ५ मिनेटसम्म आँखामाथि राखेर बस्नुहोस् ।

काक्रो

थकित आँखाको लागि काक्रोले आनन्द प्रदान गर्नुका साथै मोस्चराइजरको पनि काम गर्छ । काक्रोको बोक्रा फालेर लेदो बनाएर यसलाई ३० मिनेटसम्म फ्रिजमा राख्नुहोस् । र आँखाको वरिपरि लगाएर २०/२५ मिनेट आराम गर्नुहोस् र चिसो पानीले पखाल्नुहोस् ।

आलु 

आलुमा पाइने इन्जाइमले आँखाको कालो धब्बा हटाउन निकै मद्दत गर्छ । आलुलाई लेदो बनाएर ३० मिनेटसम्म फ्रिजमा राखेपछि आँखाको पूरै भागमा लगाएर २०/२५ मिनेट सम्म राख्ने र पानीले पखाल्ने ।

गुलाब जल 

गुलाब जलले आँखालाई आराम दिलाउँछ । कटन प्याडलाई गुलाब जलले भिजाएर आँखामाथि राख्ने र १५ मिनेटसम्म आँखा बन्द गर्ने गर्नुपर्छ ।

नरिवलको तेल 

नरिवलको तेलले आँखाको वरिपरिको कालो भाग, सुख्खापन र सुन्निनबाट बचाउँछ । त्यसैले आँखाको तल्लो भागमा दुई थोपा नरिवलको तेल राख्नुस् र हल्का मसाज गर्नुस् आँखा वरिपरि । यो राति सुत्नुअघि गरिने उपाय हो । र बिहान धुनुहोस् । यसले गर्दा चाउरीपना पनि हटेर जाने चिकित्सकले बताएका छन् ।