- २८ भाद्र २०८३, आईतवार / Sep 13, 2026
काठमाडौं । नेपाली लोकसङ्गीतको आँगनमा एक पटक फेरि मिठास भरिएको छ। चर्चित गीतकार तथा सर्जक भीम कुमार ओझाको प्रस्तुतिमा तयार भएको ‘दुई दिने जिन्दगी’ बोलको नयाँ लोकगीत सार्वजनिक भएको हो ।
जीवनको क्षणभंगुरता, रमाइलो र उत्सवको स्वाद बोकेको गीत नेपाली साङ्गीतिक बजारमा सशक्त प्रवेश गरेको छ। गीतमा सन्तोष बीसी र शारदा रसाइलीको सुमधुर स्वरले श्रोता–दर्शकलाई सहजै तान्ने सामर्थ्य राख्छ।
सरल र मार्मिक शब्दहरूमा जीवनको गहिरो दर्शन प्रस्तुत गर्ने प्रयास भीम कुमार ओझाले गरेका छन् भने नारायण दङ्गालको सङ्गीत संयोजनले पूर्वेली लोकशैलीको मौलिकता जोगाएको छ।
साङ्गीतिक पक्ष बलियो
गीतको मिक्सिङ र मास्टरिङमा कुमार सानु पुन, रेकर्डिङमा सागर पुन, तथा सम्पूर्ण अडियो उत्पादन शङ्करा डिजिटल स्टुडियोमा गरिएको हो। अडियो गुणस्तर उत्कृष्ट छ, जसले गीतलाई व्यावसायिक उचाइ प्रदान गरेको छ।
दृश्य माध्यममा पनि उत्तिकै समृद्ध
भिडियो निर्देशन तथा कोरियोग्राफीमा याम गुरुङ छन्, जसको साथमा रीना थापा मगरको नृत्य अभिनयले गीतको भावनालाई थप जीवन्त बनाएको छ। छायाङ्कनमा दिनेश पराजुली, सम्पादन र रङ संयोजनमा अमृत चापागाईं तथा मेकअपमा पूनम चौधरीको योगदान छ। दृश्य र भाव एक अर्कासँग राम्रोसँग मेल खाएको देखिन्छ।
गीतको निर्माण र प्रकाशन अधिकार भीम कुमार ओझा आफैँको ब्यानर अन्तर्गत रहेको छ। भिम कुमार ओझा अफिसियल युट्युब च्यानलबाट गीत सार्वजनिक गरिएको हो । गीतलाई अनधिकृत रूपमा अपलोड, पुनःप्रसारण वा डाउनलोड गर्न निषेध गरिएको छ।
विशेष धन्यवाद
गीतको सफल निर्माणमा देवी ओझा र सुभाष खड्काको विशेष सहयोग रहेको छ ।
गीतको प्रभाव र सम्भावना
‘दुई दिने जिन्दगी’ केवल गीत होइन – यो जीवनको लय हो, भावना हो, र हाम्रो लोकसङ्गीतको गौरवशाली परम्पराको निरन्तरता हो। गीतले युवापुस्तादेखि लोकपारखीहरूसम्म सबैलाई छोएको प्रतिक्रिया सार्वजनिक भएदेखि नै देखिन हुन थालेको हो ।
गीत हेर्न र जीवनका ती दुई दिनलाई उत्सवमा बदल्न
दुई दिने जिन्दगी’ नेपाली लोकसङ्गीतमा आएको एउटा जीवन्त, आकर्षक र आत्मीय सिर्जना हो, जसले आधुनिक प्रस्तुति र मौलिकता बीचको सन्तुलन कायम राख्दै हाम्रो सांस्कृतिक पहिचानलाई अझ मजबुत बनाएको छ ।
