शासकलाई देउडा गीतमार्फत थर्काए सिजापतिले

शासकलाई देउडा गीतमार्फत थर्काए सिजापतिले image

लिपुलेक लिम्पियाधुरा, हाम्रो कालापानी
संकटमा दुःख दिने नीति, मित्र तेरो बानी ।।

सबै प्रमाण सुरक्षित छन्, भैरब बाँचे कै छन्
बलभद्र भीमसेनका तरबार, अझै साचे कै छन् ।

संक्रमणमा बसिरदा, अतिक्रमण भयो
आमाको पेट चिरी हिड्दा बाँकी पो के रहयो ।

कस्को नुन खाएर बोल्छन, मन्त्री अर्याल को हुन्
कोभिड देई खतरा भाइरस हाम्रो देशमा नहुन् ।

विस्तारवादका विरुद्धमा, सबले मुठ्ठी कसौं
विश्वको अदालत लैजाऔं, सहेर न बसाैं।

कोशी र गण्डकी लग्यो, लग्यो महाँकाली
लिपुलेक र कालापानी, लग्दै छ यस्पाली ।

यो वार्ता त्रिपक्ष बनोस, चीन भारत र नेपाल
रगतले कोरेका सीमा, तुरुन्त लाउँ पर्खाल ।

बलभद्र र भीमसेन थापा अमरसिंह डमरु
बुहाँशा बागबनी आए अबकसो गरु ।

कता छ गोरखाली सेना, समचार पुग्यो कि
आमालाई कुल्चिने बेला, हृदय दुख्यो कि ।

दाई होइन भाइपनि होइन, साँद सीमाना मिच्ने
सरकारमा गएकाहरु, धेरै रैछन विक्ने ।

पूर्खा हाम्रा बाघ डमरु, हामी स्याल न बनौं
सरकार हाम्रो लाचारी छ, खोइ कसलाई क्या भनौ ।

के भयो कुट्नैतिक पहल उहिलेदेई आजसम्म
आदा भूमि लगि सक्यो, इन्को छैन ढंग ।

सीमानाका जंङगेपिलर, दशगजाको क्षेत्र
काँ थिए काँ पुगिसके, सरकार खोलाैं नेत्र ।

आईलागे जाई लाग्नु भन्ने, पुर्खाको अर्ति हो
जन्मदिने आमाभन्दा, ठुली माँ धर्ती हो ।

यो धर्ती पूर्खाको पौरख, पराधीन भएन
ठूल्दाईको हेपुवा नीति,कँही बाँकी रहेन् ।

पूर्वको सतलज नदी,पश्चिमको काँङगडा
लुटि लगे फिर्ता गर्नु, भन्थ्ये पूर्खा हाम्रा ।

साना देश डटेर लढे, क्युवा र कोरिया
हाम्रो देशका शासकहरु, खै किन घोरिया ।

लौ उठौं काँधमा–काँध मिलाऊँ कोही पछि न हटौं
राष्ट्र भन्दा ठूलो केहीनाई सबै मिली डटौं ।

Kailashkhabar.com

Kailashkhabar.com

यो नेपाली भाषाको अनलाइन समाचार संस्था हो । हामी तपाईहरुमा देशविदेशका समाचार र विचार पस्कने गर्छौ । तपाईको आलोचनात्मक सुझाव हाम्रा लागी सधै ग्रह्य छ । हामीलाई पछ्याउनुभएकोमा धन्यवाद । हामीबाट थप पढ्न तल क्लिक गर्नुहोस् ।

कैलाश खवर का अरु लेखहरु पढ्नुस्


hotelghyampedanda