- २६ भाद्र २०८३, शुक्रबार / Sep 11, 2026
३१ बैशाख दार्चुला । भारतले सीमा अतिक्रमणका हर्कत गरिरहेका बेला दार्चुलाको छाङरुमा सशस्त्र प्रहरी बलले बोर्डर आउट पोष्ट (बीओपी) स्थापना गरेको छ ।
नेपाली भूमि अतिक्रमण गरी सडक बनाएको क्षेत्र नजिकै सशस्त्र प्रहरीले उपस्थिति बीओपी स्थापना गरेको हो । सशस्त्र प्रहरी सीमा सुरक्षा विभागका प्रमुख एआईजी नारायणबाबु थापाको उपस्थितिमा बीओपी स्थापना गरिएको छ ।नेपाली सेनाको एम–१६ हेलिकोप्टरमार्फत टोली छाङरु लगिएको थियो ।
२५ जनाको टोली अहिले बीओपीमा छ भने अरुलाई भोलि पठाउने सशस्त्र प्रहरीबलले जनाएको छ ।कालापानी क्षेत्रबाट १२ किलोमिटर वर स्थापित बीओपीको नेतृत्व सशस्त्र प्रहरी निरीक्षक लिलिबहादुर चन्दको रहने छ ।
हाललाई छाङ्रु स्थित भाडाको घरमा बीओपी स्थापना गरिएको र चाँडै अस्पतालसहितको भौतिक संरचना बनाउन थाल्ने जनाइएको छ । नेपाली भूमि अतिक्रमण गरेर भारतले तिब्बतको मानसरोवर जोड्ने सडक बनाएपछि नेपालको सदन र सडक आवाज उठिरहेको छ ।
