इलाम २ मा कांग्रेसले डम्बर खड्का, बझाङमा अभिषेक सिंहलाई बनायो उम्मेदवार

काठमाडौं । नेपाली कांग्रेसले इलाम–२ डम्बर खड्कालाई उम्मेदवार बनाएको छ भने बझाङ प्रदेश सभा १ मा अभिषेक सिंहलाई उम्मेदवार बनाउने निर्णय गरेको छ । बिहीबार सभापति शेरबहादुर देउवा निवास बुढानलीकण्ठमा बसेको संसदीय बोर्ड बैठकले उम्मेदवार टुंगो लगाएको एक नेताले बताए ।

खड्का ४ मंसिर २०७९ को प्रतिनिधिसभा निर्वाचनमा एमाले उम्मेदवार सुवासचन्द्र नेम्वाङ पराजित भएका थिए । यसअघि बुधबार बसेको संसदीय बोर्डको बैठकमा सभापति देउवाले इलाम २ मा खड्का र बझाङ प्रदेशसभा १ मा सिंहको नाम प्रस्ताव गरेका थिए । संसदीय बोर्डको निर्णयलाई बिहीबार नै बस्ने कार्यसम्पादन समितिले अनुमोदन गर्ने बताइएको छ ।