बसको ठक्करबाट महिलाको मृत्यु

दोलखा । बसको ठक्करबाट विगु गाउँपालिका ३ बुलुङकी ७४ वर्षे नेतर्नी लामाको मृत्यु भएको छ । काठमाडौँबाट विगुको बुलुङतर्फ जाँदै गरेको बा ३ ख ६३७४ नं को रोल्वालिङ यातायातको बसले ठक्कर दिएको हो ।

उनको घटनास्थलमै मृत्यु भएको जिल्ला प्रहरी कार्यालय दोलखाले जनाएको छ । फिस्टेढुङ्गाबाट घर फर्किँदै गरेकी लामालाई बसले ठक्कर दिएको जिल्ला प्रहरी कार्यालय दोलखाका प्रहरी प्रवक्ता एवं प्रहरी निरीक्षक जीवन श्रेष्ठले बताए ।

चालक कालिञ्चोक गाउँपालिका ४ का २६ वर्षीय नारायण बुढाथोकीलाई पक्राउ गरी इलाका प्रहरी कार्यालय सिंगटीमा राखिएको छ । घटनाबारे अनुसन्धान भइरहेको प्रहरीको भनाइ छ ।