- ६ आश्विन २०८३, मंगलवार / Sep 22, 2026
भक्तपुर/ चैत्र २४ । जिल्लाकाे एक अब्बल विद्यालयका रुपको परिचित मदरल्याण्ड ई. स्कुलले आफ्नो वार्षिकोत्सव भव्यताकासाथ मनाएको छ । सो अवसरमा विद्यार्थी सम्मान एवं प्रतिभा प्रस्तुतीकरण कार्यक्रम गरिएको थियो । सुर्यबिनायक नगरपालिकाका मेयर बासुदेब थापाले उद्घाटन गरेको कार्यक्रमा विविध विधामा उत्कृष्टलाई सम्मान, पुरस्कार वितरण गरिएको थियो ।
कार्यक्रमलाई सम्बोधन गर्दै प्रमुख अतिथि थापाले मदरल्याण्ड स्कूलको शैक्षिक प्रगतिको कामना गर्दै यस क्षेत्रमा अतुलनीय योगदान पु¥याकोमा धन्यवाद दिए । सुर्यविनायक नगरपालिकामा मदरल्याण्ड जस्तो उत्कृष्ट विद्यालय हुनु गौरवको विषय भएको भन्दै मुक्त कण्ठले प्रसंसा गरे । थप सफलताको शुभेच्छा प्रदान गरे । कार्यक्रममा विद्यालयका प्रिन्सिपल संजय खड्काले विद्यालयमा भएको प्रगति र आगामी कार्य योजना बारे उल्लेख गर्दै अभिभावकले आफ्ना बालबच्चाको पढाइ कस्तो छ भनेर बेला बेला बुझ्नु पर्ने बताए ।
खड्काले शैक्षिक क्षेत्रमा मदरल्याण्डलाई उत्कृष्ट बनाउँदै विद्यार्थीहरुलाई व्यवहारिक ज्ञानका साथै अब्बल बनाउन आफू हरदम लागि परेको बताए । बालबालिकालाई समय सापेक्ष शिक्षा प्रदान गर्न र विविध क्षमता प्रदर्शनमा मदरल्याण्ड छुट्टै ब्राण्ड बन्दै गएको धारणा राखे । विगत देखि नै मदरल्याण्ड स्कुलले नगर, जिल्ला, प्रदेश, राष्ट्रिय र अन्तर्राष्ट्रिय पदक जित्न सफल एक परिचित स्कुल भएकाले विद्यार्थीहरु यसप्रति आकर्षित भएका छन् ।
साथै पदक ल्याउने विभिन्न विद्याका व्यक्तिलाई सम्मान गरिएको थियो । कार्यक्रममा वर्षभरि विविध विधामा उत्कृष्ट हुने विद्यार्थीहरुलाई समेत पुरस्कार तथा सम्मान प्रदान गरिएको थियो । शिक्षा क्षेत्रको रिर्पोटिङ्ग गर्ने संचारकर्मीलाई पनि सम्मान गरिएको थियो ।
तस्वीरमा
