- ९ श्रावण २०८३, शनिबार / Jul 25, 2026
काठमाडौं । घरेलु मैदानमा जारी साफ यू १६ महिला च्याम्पियनसिपमा नेपालले आज भारतसँग प्रतिस्पर्धा गर्दैछ । सातदोबाटोस्थित एन्फा कम्प्लेम्समा दिउँसो ३ बजे खेल सुरु हुनेछ ।
चार टोली सहभागी च्याम्पियनसिपमा नेपाल र भारत दुवैको यो अन्तिम लिग खेल हो । लिग चरणको खेल भए पनि यो खेल अघोषित सेमिफाइनल जस्तै बनेको छ । विजयी हुने फाइनल पुग्नेछ भने पराजित हुने टिम लिग चरणबाटै बाहिरिनेछ ।
त्यसैले घरेलु मैदानमा फाइनल खेल्ने लक्ष्य राखेको नेपालले यो खेल जित्नैपर्ने लक्ष्य लिएको छ । दुई खेलबाट नेपाल र भारतको समान तीन अंक छ । दुवैले भुटानलाई पराजित गरेका थिए भने बंगलादेशसँग पराजित भएका थिए ।
नेपाल पहिलो खेलमै बंगलादेशसँग २-० ले पराजित भएको थियो भने त्यसपछि भुटानलाई ३-० ले पराजित गरेको थियो ।
