- ९ श्रावण २०८३, शनिबार / Jul 25, 2026
काठमाडौं । हङकङमा हुने त्रिकोणात्मक सिरिज खेल्न नेपाली क्रिकेट टोलीलाई नेपाल क्रिकेट संघ क्यानले बिदाइ गरेको छ । टोली आज राति साढे ११ बजे हङकङ प्रस्थान गर्दैछ । बिदाइ कार्यक्रम बोल्दै कप्तान रोहित पौडेलले भने, ‘यो भ्रमणमा हाम्रा केहि सिनियर खेलाडी छैनन् ।
युवा खेलाडीलाई महत्त्वपूर्ण अवसर हो । विश्वकप अघि महत्वपूर्ण पनि छ । त्रिकोणात्मक सिरिजको फाइनलमा नेदरल्यान्डसविरुद्द सोचे जस्तो नभए पनि प्रतिस्पर्धा गर्यौं ।’ ए टिमका कप्तान विनोद भण्डारी, सन्दीप जोरा, राशिद खानसहित युवा खेलाडी आकाश चन्द, लोकेश बम, सागर ढकाल छन् भने नेपाल, हङकङ र पपुवा न्युगिनीबीच त्रिकोणात्मक टी–२० आई सिरिज हुनेछ ।
त्रिकोणात्मक सिरिजमा फागुन २७ मा नेपाल र हङकङबीच खेल हुनेछ । फागुन ३० मा त्रिकोणात्मक सिरिजको फाइनलमा पुग्ने दुई टोलीबीच प्रतिस्पर्धा हुनेछ । टोलीमा रोहित पौडेल, कुशल भुर्तेल, विनोद भण्डारी, गुलशन झा, सन्दीप जोरा, आरिफ शेख, विवेक यादव, राशिद खान, करण केसी, सागर ढकाल, प्रतिश जिसी, लोकेश बम, आकाश चन्द, अविनाश बोहोरा रहेका छन् ।
