- २९ श्रावण २०८३, शुक्रबार / Aug 14, 2026
काठमाडौं । इलाम २ मा वैशाख १५ गते हुने प्रतिनिधि सभा सदस्यको उपनिर्वाचनमा माओवादी केन्द्रले एमाले उम्मेदवार सुहाङ नेम्वाङलाई सघाउने निर्णय गरेको छ । माओवादीका जिल्ला संयोजक विजय खम्बु र एमालेका जिल्ला अध्यक्ष महेश बस्नेतले संयुक्तरुपमा विज्ञप्ति जारी गर्दै सुहाङलाई मतदान गर्न अपिल गरेका छन् ।
माओवादी अध्यक्ष प्रचण्ड र एमाले अध्यक्ष केपी शर्मा ओलीबीच केन्द्रमै सुहाङलाई सघाउने समझदारी भएपछि विज्ञप्ति जारी गरिएको हो ।उपनिर्वाचनका लागि आज मनोनयन दर्ता हुँदैछ ।
यहाँ राष्ट्रिय स्वतन्त्र पार्टीबाट मिलन लिम्बू, राप्रपाबाट लक्ष्मी गुरूङ, डाकेन्द्रसिंह थेगिम, एमालेबाट सुवासका छोरा सुहाङ नेम्बाङ र कांग्रेसबाट डम्बरबहादुर खड्कालगायतले उम्मेदवारी दिंदैछन् ।
