- २७ असार २०८३, शनिबार / Jul 11, 2026
काठमाडौं । लामो समयदेखि रिक्त नेपाल पर्यटन बोर्डको प्रमुख कार्यकारी अधिकृत (सीईओ) पदपूर्तिका लागि आवेदन खुल्ला गरिएको छ । बोर्डको सीईओ छनोट उपसमितिले शनिबार सूचना प्रकाशित गर्दै इच्छुक व्यक्तिबाट आवेदन माग गरेको हो । पूर्वसीईओ धनन्जय रेग्मीको कार्यकाल सकिएसँगै बोड नेतृत्वविहीन बनेको थियो ।
सीईओ पदको कार्यकाल चार वर्ष हुन्छ । इच्छुक प्रतिस्पर्धीलाई १२ दिनभित्र आवेदन दिन समय उपलब्ध गराइएको छ । स्नातकोत्तर उत्तीर्ण भई पर्यटन क्षेत्रमा कम्तिमा १० वर्षको अनुभव भएको व्यक्ति हुनुपर्ने प्रावधान छ ।
३५ वर्ष पूरा भई ६० वर्ष ननाघेका व्यक्तिहरुले प्रतिस्पर्धामा भाग लिन सक्ने छन् । बोर्ड पछिल्लो समय कमजोर नेतृत्वका कारण धरासायी बन्दै गएको छ । गुमेको साख फिर्ता ल्याउनु नयाँ सीईओको मूख्य चूनौती हुने देखिएको छ ।
