- / Dec 3, 2024
काठमाडौं । अमेरिकी सहयोग नियोग मिलेनियम च्यालेन्ज कर्पोरेसन (एमसीसी) सम्झौता परिमार्जनका लागि प्रधानमन्त्री केपी शर्मा ओलीले अमेरिकी उच्च अधिकारीसँग कुरा गर्ने भएका छन् । पार्टीभित्रैका बहुसंख्यक नेता एमसीसी सम्झौता परिमार्जन गर्नुपर्ने पक्षमा उभिएपछि ओली अमेरिकासंग कुराकानी गर्न लागेका हुन् ।
एमसीसी अध्ययन गर्न बनाएको कार्यदलले परिमार्जन गरेर मात्र अगाडि बढ्न सुझाव दिएपछि नेकपाको केन्द्रीय समिति बैठकले पनि ओलीलाई परिमार्जन नगरि कार्यान्वयन गर्न नहुने सूझाब दिएको स्रोतले बताएको छ । प्रधानमन्त्री निवास बालुवाटारमा बसेको नेकपा सचिवालय बैठकमा कार्यदल संयोजक रहेका वरिष्ठ नेता झलनाथ खनालले अध्ययनका निष्कर्ष सुनाएका थिए ।
एमसीसी सम्झौता अनुमोदन गरे देशको स्वाधीनता र सार्वभौमिकतामाथि आँच आउने भन्दै यसलाई परिमार्जन गर्नु पर्ने कार्यदलले निष्कर्ष निकालेको थियो । कार्यदल संयोजक झलनाथ खनालले सम्झौतामा रहेका आपत्तिजनक बुदाका बारेमा बैठकलाई जानकारी गराएका थिए।
नेकपाले एमसीसी अध्ययन कार्यदलको जिम्मा नेता झलनाथ खनाल, भीम रावल र परराष्ट्रमन्त्री प्रदीप ज्ञवालीलाई दिएको थियो । कार्यदलले २० दिन लगाएर गरेको अध्ययनमा सम्झौता गर्दा त्यसमा त्रुटिपूर्ण प्रावधान भेटिएको प्रतिवेदन प्रस्तुत गरेको थियो ।
अर्थ मन्त्रालयले परराष्ट्रलाई समेत जानकारी नदिई गरेको सम्झौता नेपालको कानुनसँग बाझिएमा ‘न्युयोर्क स्टेट’ को कानुन हाबी हुने आफूहरूले भेटेको भन्दै सम्झौताका केही बुँदा परिमार्जन गर्नुपर्ने कार्यदलले सुझाव दिएको थियो । पार्टीका दुवै अध्यक्ष प्रधानमन्त्री केपी ओली र पुष्पकमल दाहाल प्रचण्डलाई बुझाएको प्रतिवेदनमा सम्झौता परिमार्जनका लागि अमेरिकी उच्च अधिकारीसँग संवाद गर्न प्रधानमन्त्रीलाई सुझाव दिएको थियो ।
यो नेपाली भाषाको अनलाइन समाचार संस्था हो । हामी तपाईहरुमा देशविदेशका समाचार र विचार पस्कने गर्छौ । तपाईको आलोचनात्मक सुझाव हाम्रा लागी सधै ग्रह्य छ । हामीलाई पछ्याउनुभएकोमा धन्यवाद । हामीबाट थप पढ्न तल क्लिक गर्नुहोस् ।
काभ्रे । मण्डनदेउपुर नगरपालिका–१० चण्डेनीस्थित तीनधारामा निर्माणाधीन नमूना एकीकृत बस्ती बजेट अभावका कारण दुई वर्षदेखि निर्माण रोकिएको छ । २०७४ मा बस्ती निर्माणको काम थालेको राष्ट्रिय पुनःनिर्माण प्राधिकरणले ३ वर्षमा...
चीन । चीनले सुरुङमा उद्धारको लागि मानवरहित आपतकालीन उद्धार प्रणाली विकास गरेको छ । चीनको एरोस्पेस साइन्स एण्ड इन्डस्ट्री कर्पोरेशनले स्वतन्त्र बौद्धिक सम्पत्ति अधिकारसहित सुरुङका लागि मानवरहित आपतकालीन उद्धार...
इजरायल । इजरायली सेनाले गाजामा गरेको पछिल्लो आक्रमणमा विद्रोही समूह हमासका वरिष्ठ कमाण्डर मारिएको जनाएको छ । अस्ति शनिवार इजरायली सेनाले गरेको हवाई आक्रमणमा हमासका वरिष्ठ कमाण्डर राफा सलामा...
चितवन । नारायणगढ–मुग्लिन सडक खण्डको सिमलतालमा गएको पहिरोले त्रिशूली नदीमा बस खस्दा बाँच्न सफल भएका तीन जनाको भरतपुरका विभिन्न अस्पतालमा उपचार भइरहेको छ । एक जनाको भरतपुर अस्पतालमा र...
