भर्खरै : Sorry, your browser does not support inline SVG.
पोखरामा प्यारापाइलट उत्पादन गर्ने पहिलो स्कुल सञ्चालनमा, १ करोड ५० लाख लगानी | भक्तपुर नगरव्यापी विद्यालयस्तरीय खेलकुद प्रतियोगिता सुरु, ८४ विद्यालयका ३२ सयभन्दा बढी विद्यार्थी सहभागी | असोजमा महँगी ६.३७ प्रतिशत पुग्यो, घिउतेल र फलफूलको मूल्य सबैभन्दा धेरै बढ्यो | नक्कली शैक्षिक प्रमाणपत्र प्रयोग गरी बढुवा लिएको आरोपमा अनुसन्धान विभागका अधिकृतविरुद्ध मुद्दा | दुई महिनामा ८८७ व्यावसायिक फर्ममा अनुगमन, ७४ लाई कारबाही | असोजमा रेमिट्यान्सको ऐतिहासिक कीर्तिमान, एकै महिनामा भित्रियो २ खर्ब ६७ अर्ब | नेपाली सेनाको प्रवक्तामा सहायक रथी राजेन्द्र श्रेष्ठ नियुक्त | काठमाडौं विश्वकै तेस्रो प्रदूषित सहर, प्रदूषण नियन्त्रणको कार्ययोजना सार्वजनिक गर्दै महानगर |

सगरमाथा संवाद २०२५: दोस्रो दिन चार विषयमा ९ छलफल सत्र, जलवायु न्याय र हरित अर्थतन्त्रमा जोड

सगरमाथा संवाद २०२५: दोस्रो दिन चार विषयमा ९ छलफल सत्र, जलवायु न्याय र हरित अर्थतन्त्रमा जोड
काठमाडौं, ३ जेठ । सगरमाथा संवाद २०२५ को दोस्रो दिन आज (शनिबार) काठमाडौंमा जलवायु परिवर्तन र दिगो विकासका मुद्दाहरूमा केन्द्रित ९ वटा छलफल सत्र सञ्चालन हुँदैछन्। बिहान ९:०० बजेदेखि साँझ ६:३० बजेसम्म चल्ने यी सत्रहरूमा चार प्रमुख विषयमा गहन छलफल हुनेछ:

  • हरित अर्थतन्त्र
  • जलवायु हानि–नोकसानी र न्यूनीकरण
  • जलवायु न्याय र मानवताको भविष्य
  • विश्वव्यापी तथा क्षेत्रीय साझेदारी

संवाद सचिवालयका अनुसार, यी सत्रहरूमा २३ प्रतिनिधिमण्डल सहभागी हुनेछन्। प्रत्येक प्रतिनिधिमण्डललाई आफ्ना विचार राख्न ५ मिनेट समय दिइनेछ । संवादको पहिलो दिन (शुक्रबार) जलवायु परिवर्तनको असर, जोखिम, र जलवायु न्यायका विषयमा गहन छलफल भएको थियो। नेपालजस्ता न्यून कार्बन उत्सर्जन गर्ने देशहरूले जलवायु परिवर्तनको उच्च जोखिम झेलिरहेको भन्दै ठूला उत्सर्जक राष्ट्रहरूसँग वित्तीय सहायता र जलवायु न्यायको माग गरेका थिए।

नेपाल सरकारले ६ वर्षअघि सगरमाथा संवाद आयोजना गर्ने योजना बनाए पनि कोभिड–१९ महामारीका कारण यो स्थगित भएको थियो। लामो तयारीपछि काठमाडौंमा आयोजित यो संवाद भोलि (आइतबार) समापन हुनेछ।

 

 


Thali Mobile Pvt.Ltd.