कोरोना संक्रमणबाट ४१ जनाको मृत्यु

७ साउन २०७७ विराटनगर । महोत्तरी गाउँपालिका–३ मोरइका ६० वर्षीय एक पुरुषको मृत्यु भएसँगै नेपालमा कोरोना संक्रमणबाट मृत्यु हुनेको संख्या ४१ पुगेको छ । बीपी कोइराला स्वास्थ्य विज्ञान प्रतिष्ठान धरानमा उपचारको क्रममा गएराति एक जनाको मृत्यु भएको हो ।

आईसीयू केयरमा उपचार गर्दै पीसीआर जाँच गर्दा कोरोना पोजेटिभ देखिएको प्रतिष्ठानका प्रवक्ता डाक्टर निदेश सापकोटाले बताए । ती पुरुषको गएराति नै अन्त्यष्टि गरिएको छ । कोरोना संक्रमणपछि उनलाई निमोनिया र मिर्गौला ड्यामेजको समस्या देखिएको डा।सापकोटाले बताए । प्रतिष्ठानमा उपचार गर्दा गर्दै यो दोस्रो कोरोना संक्रमितको मृत्यु भएको हो ।