‘गाउँको मुहार फेर्दै एक युवा’

‘सफल मानिसले फरक काम गर्दैन, फरक तरिकाले गर्छ ।’ भनेर साहित्यकारले भनेको यो प्रेरणादायी भनाईलाई दैलेख ठाँठीकाध ४, गैरेगाँउका कर्मशील योद्धा गणेश बहादुर कठायतले पुष्टी गरेका छन् । परिस्थितिका चट्टानी पहाडहरुलाई चिर्दैअघि बढेका कठायत आज युवाहरुका माझ प्रेरणाका पात्र मात्रै बन्न पुगेका छैनन् ।

‘उद्देश्य र लक्ष्य किटान गरेर, निस्वार्थ लगन र निरन्तरको प्रयासबाटै हरेक कुरा सम्भव छ,’ सम्वादको सुरुवातमै उनले भने, ‘इमान्दार र लगनशीलताले मात्रै सफलता हासिल हुन्छ भन्ने कुरा मैले मेरो शीकाईको सुत्र बनाएको हु ।’ ‘उद्देश्यमा प्रष्ट, लक्ष्य किटान, निस्वार्थ लगन र निरन्तरको प्रयासबाटै यो सम्भव भएको हो।

मध्यपश्चिमको पहाडी जिल्ला दैलेखको ठाँटीकाध –४ मा जन्मिएका कठायतले प्राथमिक तहको पढाई पूरा गरेर काठमाडौं छिरे । काठमाडौं बसाईले उनलाई धेरै कुरा सिकायो तर जीवन जीउन अझै केहि कडा परिश्रम गर्नुपर्छ भन्ने लागेर उनी भारतको चन्दीगढ लागे ।

१६, १७ वर्षे युवा गणेश कठायतको दिनचर्या चण्दीगढमै बित्यो । ‘परिवारको आर्थिक अवस्था त्यति राम्रो नहुँदा कठीन जीन्दगी जीउनु परेको’ उनी सम्झिन्छन्, ‘१३ वर्षको उमेरमा गाँउ छोड्नु पर्यो ।’ कक्षा ७ पछि वाँहाकोटको स्कूल छोडेका कठायतले १४ वर्ष लाग्दा नलाग्दै अभिभावकको पछि लागेर काठमाडौको यात्रा तय गरे ।

त्यसपछि उनको गन्तव्य नयाँ बन्यो । कक्षा ७ देखि ९ सम्मको पढाई पछि उनले चण्दीगढको यात्रा तय गरेका कठायत चण्दीगढमै पढाई अगाडी बढाए । भारतमा रहदा भारतीय जनताको जीवनशैलीलाई नजिकबाट नियालेका कठायतले त्यहाँ गणेश कठायत कन्सट्रक्सन प्रा.लि. खोलेर चर्चा बटुले ।

श्रीराम पब्लीक विद्यालय चण्दीगढमा पढ्ने बेला नेपालका मन्त्रीहरुका छोरी पनि त्यहि पढ्ने भएकाले उनीहरुसंगको रिलेशनले काठमाडौ आवतजावत संगै वैदेशीक भ्रमणको पनि अवसर प्राप्त गरे । २१ देशको भ्रमण गरिसकेका कठायतलाई सवैभन्दा उत्तम देश स्वीजरल्याण्ड लागेको बताए ।

हावापानीको हिसावले अष्ट्रेलिया राम्रो मान्ने कठायतले अन्तत आफ्नै गाँउको धार्मिक पर्यटनलाई टेवा पु¥याउने संकल्प गरे । त्यहि संकल्प अनुरुप गैरेगाँउमा अवस्थित देउती मन्दिरलाई व्यवस्थित बनाउन लागे । करिब ७ लाख ५० हजार सहयोग गरेर मन्दिरको स्वरुपनै परिवर्तन गरिदिए ।

पुस पुर्णीमामा विशेष मेला लाग्ने उक्त देउती मन्दिरमा जेठ पुर्णीमा र भदौ पुर्णीमामा विशेष मेला लाग्ने गर्दछ । अभाव झेल्दै पुजाआजा गर्ने दाजुभाईको मर्म बुझ्दै उनले गरेको सहयोगले मन्दिरले मात्रै स्वरुप फेरेन, दाजुभाईको अनुहारमा समेत चमक ल्यायो । मन्दिरमा गरेकाे सहयाेगले अहिले आन्तरीक पर्यटक र कालिकोट, अछाम, जुम्ला बाजुरा, कैलाली कन्चनपुर, बाँके, बर्दिया, सुर्खेत, जाजरकोट लगायतका जिल्लाबाट दर्शालू समेतको आवागमन बढ्ने गरेको छ ।