- १ जेष्ठ २०८३, शुक्रबार / May 15, 2026
४ जेष्ठ २०७७ झापा । झापाको कचनकबल–१ घेराबारीमा शनिबार राति भारतीयले सशस्त्र प्रहरीमाथि आक्रमणको हर्कत गरेका छन् । करिब एक सय पचासको सङ्ख्यामा रहेका भारतीय नेपालतिर जबर्जस्ती छिर्न खोज्दा सीमामा तैनाथ सुरक्षाकर्मीले रोकेका थिए ।
नेपाल भित्र प्रवेश गर्न नपाएपछि प्रहरीमाथि नै आक्रमणका हर्कत गरेको, नियन्त्रणका लागि हवाई फायर गरिएको प्रहरीले बताएको छ ।
राति साढे ९ बजेतिर घरेलु हतियारसहित डेढ सयको सङ्ख्यामा आएका भारतीय नागरिक १२५र१० नम्बरको सीमास्तम्भ नजिकबाट नेपाली सुरक्षा चौकीमा हुलहुज्जत गर्दै नेपाल पस्न खोजेपछि उनीहरुलाई रोक्न हवाई फायर गरिएको सशस्त्र प्रहरी बल २ नं हेडक्वार्टर भद्रपुरका सशस्त्र प्रहरी उपरीक्षक रेशमकुमार थक्सुले बताए ।
नेपाली सुरक्षाकर्मीले हवाई फायर गरेपछि उनीहरु भागेर भारततीर भागेका थिए । झापाको सीमा क्षेत्रमा नेपाली सुरक्षा चौकीमा भएको यो तेस्रो आक्रमण प्रयासको घटना हो । केहि दिन पहिले झापा गाउँपालिका–४ सुकुम्बासी बस्तीमा १३१ नम्बरको सीमास्तम्भ नजिक नेपाली सुरक्षा चौकीमा भारतीय नागरिकले हुलहुज्जत गर्दा दुई राउण्ड हवाई फायर भएको थियो ।
