थप २ जनाको मृत्यु, नेपालमा कोरोना संक्रमितको संख्या १८०९४ पुग्यो (भिडियाे)

७ साउन २०७७ काठमाडौं । थप दुई जना कोरोना संक्रमितको मृत्यु भएको छ । त्रिवि शिक्षण अस्पतालमा ४६ वर्षीया चिनियाँ नागरिकको मृत्यु भएको हो । थप १०० जनामा कोरोना भाइरसको संक्रमण पुष्टि भएसंगै नेपालमा संक्रमितको संख्या १८ हजार ९४ पुगेको छ ।

मन्त्रालयका अनुसार सबैभन्दा धेरै सप्तरीमा १८ जनामा कोरोना संक्रमण पुष्टि भएको छ । यस्तै दैलेखका १६, डोटी र लमजुङका ७ जना, कालीकोट र पर्साका ६र६ जना, धनुषाका ५ र सुनसरीका चार जनामा संक्रमण पुष्टि भएको छ । काठमाडौं, मोरङ, ताप्लेजुङ, बारा, सर्लाही, स्याङ्जा, बाग्लुङ, बाँकेका ३र३ जना, बर्दिया र सल्यानका २र२ जना तथा चितवन र बझाङका १र१ जनामा पनि कोरोना संक्रमण पुष्टि भएको छ । हाल सम्म नेपालमा ४२ जनाको मृत्यु भएको छ भने १२ हजार ६८४ जना निको भएका छन् ।

भिडियाे…

https://www.facebook.com/Kailashkhabarnews/videos/325793778824671/

लकडाउन खुकुलो बनाएपछि आम सर्वसाधारण त्रास
लकडाउन खुकुलो बनाएपछि आम सर्वसाधारण घरबाट निस्कने क्रम बढेको छ । सरकारले मंगलबार राति १२ बजेपछि लागू हुने गरी १२० दिन लामो लकडाउन अन्त्यको घोषणा गरेपछि त्रास बढेको छ । लामो दूरीको यातायात, विद्यालय, मनोरञ्जनस्थल, भोज आदि केही क्षेत्र मात्र बन्द गरिएका छन् । तर कोरोना संक्रमणको जोखिम झन बढेर गएको छ ।