नेपाल प्रहरी सबै भन्दा सर्वोत्कृष्ट

नेपाल प्रहरी सबै भन्दा सर्वोत्कृष्ट image

काठमाण्डाैं ।  बेरुजु फर्छ्यौटमा नेपाल प्रहरीले सर्वोत्कृष्ट स्थान हासिल गरेको छ । प्रहरी महानिरीक्षक सर्वेन्द्र खनाल नेतृत्वमा नेपाल प्रहरीले बेरुजु फर्छ्यौटमा सर्वोत्कृष्ट स्थान हासिल गरेको । प्रहरीले आर्थिक वर्ष २०७४ र ०७५ सम्मको बेरुजुलाई ८८.५० प्रतिशत फर्छ्यौट गरेको जनाएको छ । गृह मन्त्रालय र अन्तर्गतका निकायहरुमध्ये बेरुजु फर्छ्यौट मापनको वर्गीकरणमा नेपाल प्रहरी उत्कृष्ठ भएको गृहमन्त्रालयले विहिबार घाषणा गरेको हो ।

गृह मन्त्रालयले बिहीबार गरेको कार्यक्रममा गृहमन्त्री राम बहादुर थापा बादलले प्रहरी महानिरीक्षक सर्वेन्द्र खनाललाई नेपाल प्रहरीले सर्वोत्कृष्ट स्थान हासिल गरेको भन्दै प्रशंशा समेत गर्नुभयो । उहाले नगद १० हजार रुपैयाँ पुरस्कार र प्रशंशापत्र समेत प्रदान गर्नुभयो ।

नेपाल प्रहरीले आगामी दिनमा समेत यसरी नै निर्दिष्ट लक्ष्य अनुसार बेरुजु फर्छ्यौट कार्यमा नेपाल प्रहरीको लगनशिलता एवं सक्रियताको अपेक्षा गरिएको प्रशंसापत्रमा उल्लेख गरिएको छ । बेरुजु फर्छ्यौट मापनको वर्गीकरणमा गत आ.व. मा समेत नेपाल प्रहरी सर्वोत्कृष्ट स्थान हासिल गर्न सफल भएको थियो ।
प्रहरी प्रधान कार्यालय र अन्तर्गतका कार्यालयहरुको आ.व. २०७४ र ०७५ सम्मको बाँकी बेरुजु रकममध्ये ८८.५० प्रतिशत फर्छ्यौट गरी बेरुजु फछर्यौट मुल्याङ्कन तथा अनुगमन समितिको सिफारिस बमोजिम नेपाल सरकार मन्त्रीस्तरको निर्णय अनुसार बेरुजु फर्छ्यौटको प्रगतिमा नेपाल प्रहरी सर्वोत्कृष्ट स्थान प्राप्त गर्न सफल भएको हो ।

Kailashkhabar.com

Kailashkhabar.com

यो नेपाली भाषाको अनलाइन समाचार संस्था हो । हामी तपाईहरुमा देशविदेशका समाचार र विचार पस्कने गर्छौ । तपाईको आलोचनात्मक सुझाव हाम्रा लागी सधै ग्रह्य छ । हामीलाई पछ्याउनुभएकोमा धन्यवाद । हामीबाट थप पढ्न तल क्लिक गर्नुहोस् ।

कैलाश खवर का अरु लेखहरु पढ्नुस्


hotelghyampedanda