लकडाउनको अवधि बैशाख ३ सम्म लम्बियो

काठमाडौं । सरकारले लकडाउन ८ दिन थप गर्दै बैशाख ३ सम्म लकडाउन लम्ब्याउने निर्णय गरेको छ । आज (सोमबार) अपराह्न सकिएको मन्त्रिपरिषद्को बैठकले लकडाउनको अवधि दोस्रो पटक थपेको हो ।

कोरोना भाइरसको दोस्रो संक्रमित भेटिएपछि सरकारले चैत ११ बाट १८ गते बिहान छ बजेसम्मका लागि लकडाउन घोषणा गरेको थियो ।त्यसपछि २५ गतेसम्म समय थपिएको थियो तर, यो अवधिका कोरोना संक्रमण स्थानीय स्तरमा भेटिएपछि सरकारले एक स्थानीय तहबाट अर्को स्थानीय तहमा समेत अवतजावतमा रोकेको थियो ।

कोरोना सङ्क्रमणको अवधि र यसको जोखिम रहिरहुञ्जेलसम्म लकडाउनको अझ पूर्ण पालना गराउन प्रदेश र सबै निकायलाई प्रभावकारीरुपमा काम गर्न सरकारले निर्देशन दिएको छ।