- २१ भाद्र २०८३, आईतवार / Sep 6, 2026
बैतडी । सुदूरपश्चिममा आज ठूलीरात धुमधामका साथ मनाइँदैछ । पुस १५ु सबै भन्दा लामो रात हुने विश्वास रहिआएकाले आजको रातलाई ठूलीरात भन्ने गरिएको हो। रातमा मिठा( मिठा खानेकुरा पकाउने, जाग्राम बस्ने, डेउडा खेल्ने र बिहान उज्यालो नहुँदै नुहाईधुवाई गर्ने चलन चलिआएको यहाँका स्थानीयले बताएका छन् ।
पहिले पहिले आजको राती उखु पेलेर गुड बनाउने,उखान टुक्का भन्ने र कथा कहाँनी वाचन गरेर रात कटाउने चलन थियो । तर पछिल्लो समयमा यो चलन विस्तारै हराउँदै गएको छ। पुस १५ को रात गाउँका सबै मानिस एउटै घरमा जम्मा भएर मुढाबाल्ने चलन अहिले हराँउदै गएको छ ।
आजको रात तरुल, सखरखण्ड, फर्सीलगायतका कन्दमूल खाने चलन रहेको छ। घिउमा पकाएका सेलरोटी, माडा खाने चलन पनि रहेको संस्कृतिका जानकार बताउछन् । पुसको महिना धेरै चिसो हुने भएकाले चिसोबाट बच्न घिउमा पकाएका खानेकुरा खाने चलन रहिआएको छ ।
विशेषगरी रातभरि नसुतेर यो पर्व मनाउने परम्परा रहे पनि बदलिंदो परिवेशसँगै यसको महत्व हराउँदै गएको छ। दिनहरु बिस्तारै लामो हुँदै जाने र असार १५ मा वर्षकै ठूलो दिन मानिन्छ।
