- २८ भाद्र २०८३, आईतवार / Sep 13, 2026
६ जेठ २०७७, काठमाडौं । नेपालमा कोरोना भाइरस (कोभिड १९) संक्रमितको संख्या ३ सय ७५ पुगेको छ । सोमबार एकै दिन ८० जना कोरोनामा संक्रमित पुष्टि भएसगै संक्रमितको संख्या ३ सय ७५ पुगेको हो ।
सरकारले लकडाउन घोषणा गरेको ५७ औ दिनमा पहिलो पटक कर्णाली प्रदेशमा समेत कोरोना संक्रमण पुष्टि भएको छ । कर्णाली प्रदेशकाे दैलेखमा पहिलो पटक कोरोना संक्रमण देखिएको हो । नेपालगञ्जको भेरी अस्पतालमा गरेको परीक्षणमा दैलेखको आठबीस नगरपालिका–१ का १ पुरुषमा कोरोना पुष्टि भएको स्वास्थ्य मन्त्रालयका सहप्रवक्ता डा. समीरकुमार अधिकारीले जानकारी दिए ।
बाँकेको नरैनापुरमा मात्र ५९ जना संक्रमित भेटिएका छन् । रौतहटमा ९, धनुषामा ३, दैलेख, खोटाङ, सुनसरी, झापा, बारा, मोरङ, गुल्मी, दाङ, धादिङमा कोरोना संक्रमित भेटिएकाे स्वास्थ्य तथा जनसंख्या मन्त्रालयले जनाएको छ । कोरोना संक्रमणबाट नेपालमा दुई जनाको मृत्यु भइसकेको छ ।
