कुदाकाउलेमा पेस्तोल र विष्फोटक पदार्थ कस्ले छोड्यो ?

६ असार २०७७, शनिबार भोजपुर । षडानन्द नगरपालिका–२ कुदाकाउलेको ताबुमा पेस्तोलसहित विस्फोटक पदार्थ फेला परेको छ ।

इलाका प्रहरी कार्यालय दिङ्लाबाट गस्तीमा खटिएको प्रहरी टोलीले ताबुबाट एक थान कटुवा पेस्तोलसहित विष्फोटक पदार्थ बरामद गरेको जनाएको छ ।

बाँदर रुङने टहरोमा शङ्काले चेकजाँच गर्दा एक थान कटुवा पेस्तोल, एक थान सकेट बम र दुई थान डेटोनेटर बरामद गरेको इलाका प्रहरी कार्यालय दिङ्लाले जनाएको छ । कस्ले राखेको हो भन्ने कुरा पत्ता नलागेको कार्यालयका प्रमुख प्रहरी निरीक्षक भास्कर खतिवडाले बताए ।