- २६ असार २०८३, शुक्रबार / Jul 10, 2026
काठमाडौं, २२ फागुन । प्रतिनिधिसभा निर्वाचन अन्तर्गत काठमाडौं क्षेत्र नम्बर ८ को अन्तिम मतपरिणाम सार्वजनिक भएको छ । यस क्षेत्रमा राष्ट्रिय स्वतन्त्र पार्टी (रास्वपा) का उम्मेदवार विराजभक्त श्रेष्ठ सानदार मतान्तरसहित विजयी भएका छन् ।
निर्वाचन परिणाम अनुसार श्रेष्ठले २४ हजार ५ सय ९२ मत प्राप्त गर्दै जित हात पारेका हुन् । उनले आफ्ना निकटतम प्रतिस्पर्धीलाई २१ हजारभन्दा बढी मतान्तरले पछि पार्दै स्पष्ट जित निकालेका छन् ।
यस क्षेत्रमा प्रतिस्पर्धा गरेका अन्य सबै उम्मेदवारले भने आवश्यक मत ल्याउन नसक्दा जमानत जोगाउन सकेनन् । निर्वाचन कानुन अनुसार सदर मतको १० प्रतिशतभन्दा कम मत प्राप्त गर्ने उम्मेदवारको धरौटी जफत हुने व्यवस्था रहेको छ ।
मतपरिणाम अनुसार दोस्रो स्थानमा नेपाल कम्युनिष्ट पार्टीका उम्मेदवार सुमन सायमी रहेका छन् । उनले ३ हजार २ सय १७ मत प्राप्त गरेका छन् । त्यस्तै नेपाली कांग्रेसकी उम्मेदवार सपना राजभण्डारी ले २ हजार ८ सय ३५ मत पाएकी छन् ।
यसैगरी नेकपा (एमाले) का राजेश शाक्य र राष्ट्रिय प्रजातन्त्र पार्टीका नबिन शाही ले समान १ हजार ९ सय ९ मत प्राप्त गरेका छन् । उज्यालो नेपाल पार्टीका राजन खड्गी ले १ हजार ३३ मत प्राप्त गरेका छन् ।
ठूला दलका उम्मेदवारहरू समेत आवश्यक मत ल्याउन नसक्दा काठमाडौं–८ मा प्रतिस्पर्धा गरेका सबै २१ जना उम्मेदवारको जमानत जफत भएको निर्वाचन कार्यालयले जनाएको छ ।
