- ६ कार्तिक २०८३, शुक्रबार / Oct 23, 2026
काठमाडाैं, २२ फागुन । नवलपरासी जिल्लामा प्रतिनिधिसभा निर्वाचनअन्तर्गत मतगणनाको तयारी पूरा भएको छ। जिल्लाका दुवै निर्वाचन क्षेत्रमा सर्वपक्षीय बैठक सम्पन्न भएपछि अब केही समयमै मतगणना सुरु गरिने तयारी गरिएको छ।
निर्वाचन अधिकृतको कार्यालयका सहायक मतदान अधिकृत प्रेमनारायण पराजुलीका अनुसार सर्वदलीय बैठक सकिएपछि आवश्यक व्यवस्थापन पूरा गरिएको छ र चाँडै मतगणना सुरु हुने छ।
जिल्लाको निर्वाचन क्षेत्र नम्बर १ को मतगणना बर्दघाटस्थित बाढीपीडित क्षेत्रमा रहेको पुरानो नगरपालिकाको कार्यालयमा हुने व्यवस्था गरिएको छ। त्यसैगरी निर्वाचन क्षेत्र नम्बर २ को मतगणना जिल्ला समन्वय समिति, परासीमा गरिने निर्वाचन कार्यालयले जनाएको छ।
निर्वाचन आयोगका अनुसार नवलपरासीमा कुल २ लाख ५४ हजार १५७ मतदाता रहेका छन्। तीमध्ये १ लाख ७२ हजार ३१४ मत खसेको मुख्य निर्वाचन अधिकृतको कार्यालयले जानकारी दिएको छ।
अब मतगणना सुरु भएपछि जिल्लाको चुनावी परिणाम क्रमशः सार्वजनिक हुँदै जाने अपेक्षा गरिएको छ।
