चट्याङ लागेर चार जनाको मृत्यु

११ असार २०७७ सप्तरी । चट्याङ लागेर चार जनाको ज्यान गएको छ । डाक्नेश्वरी नगरपालिका ९ की ३० वर्षिया ललितादेवी यादव, महादेवा गाउँपालिका–२ का ६० वर्षीय छेवी ठाकुर, सोही स्थानका २७ वर्षीय बेतन यादव र राजगढ गाउपालिका – ३ का केसीलाल साहको मृत्यु भएको हो ।

केसीलाल साहको उपचारका क्रममा मृत्यु भएको छ भने चट्याङ लागेर थप ३ जना घाइते भएको सप्तरीका डीएसपी तिलक भारतीले बताए । चट्याङ लागेर घाइते भएका राजगढ गाउँपालिका–३ का १८ वर्षीय आशा मण्डलको गजेन्द्रनारायण सिंह अस्पताल उपचार भइरहेको छ ।

राजगढ र महादेवाका अन्य २ घाइतेलाई उपचारका लागि अस्पताल लगिएको छ ।