- २५ फाल्गुन २०८२, सोमबार / Mar 9, 2026
४ जेठ २०७७ काठमाडौं । कोरोना भाइरस महामारी रोकथाम, नियन्त्रण र प्रतिकार्यका लागि नेपाली सेनाको संयोजनमा चीनबाट खरिद गरिएको पहिलो चरणको स्वास्थ्य सामग्री काठमाडौं आईपुगेको छ ।
चीनको होङजुबाट स्वास्थ्य सामग्री लिएर हिँडेका १० कन्टेनर चीनको खासा र नेपालको तातोपानी हुँदै काठमाडौं पुगेका हुन् । अहिले ती सामाग्री सेनाको १४ बाहिनीमा सङ्कलन गरिएको छ । स्वास्थ्यकर्मीले प्रयोग गर्ने डिस्पोजल गाउनलगायतका एक हजार १८० क्युबी स्वास्थ्य सामग्री ल्याइएको नेपाली सेनाका प्रवक्ता विज्ञानदेव पाण्डेले जानकारी दिए ।
अपुग ४७ दशमलव ५ टन सामग्री केही दिनभित्रै नेपाल ल्याइने उनको भनाई छ । नेपालले चीनसँग कोभिड– १९ महामारी रोकथाम, नियन्त्रण र प्रतिकार्यका लागि आवश्यक उपकरण, पिपिईलगायत ७३ प्रकारका सामग्री खरिद गर्ने सम्झौता गरेको थियो ।
सरकारले सम्भावित कोरोनाको सङ्क्रमण जोखिमको मूल्याङ्कन गरी समयमै ‘बन्दाबन्दी’ घोषणा गरेका कारण नेपालमा हालसम्म २९१ जनामा कोरोनाबाट सङ्क्रमित भएका छन् भने एक जनाको मृत्यु भएको छ।
