जिप दुर्घटनामा परि सुर्खेतमा तीन जनाको मृत्यु

सुर्खेत । दैलेखको धरमपोखराबाट सुर्खेत तर्फ आउँदै गरेको कर्णाली प्रदेश ०२–००१ ज ०००७ नम्बरको जिप वीरेनद्रनगर नगरपालिका–१५ राउटे गल्छेनामा दुर्घटना हुँदा तीन जनाको मृत्यु भएको छ । अन्य चार जना घाइते भएका छन् ।

बाँकेको वैजनाथ गाउँपालिका–३ का खड्गबहादुर बीसी, उनकी श्रीमती गोमा बीसी र सुर्खेतका देबबहादुर खड्काको मृत्यु भएको सुर्खेतका प्रहरी नायव उपरीक्षक रवी रावलले कैलाश खबरलाई जानकारी दिए ।

सडकदेखि ४ सय मिटर तल खसेको जिप तीव्र गतिका कारण अनियन्त्रित भई दुर्घटना भएको प्रहरीको भनाई छ । घट्नास्थलमै तीनै जनाको मृत्यु भएको र घाइते चारै जनाको सुर्खेतमै उपचार भैरहेको रावलले जानकारी दिए।