- ८ बैशाख २०८३, मंगलवार / Apr 21, 2026
काठमाडौं । कोभिड(१९ को नयाँ संक्रमित भेटिएसंगै नेपालमा कोरोना संक्रमितको संख्या तीन पुगेको छ ।
टेकुस्थित शुक्रराज ट्रपिकल अस्पतालले पठाएको नमुनामा पोजेटिभ देखिएपछि हाल सम्म तीन जना भेटिएका हुन् । अहिलेसम्म ६ सय ८७ जनाको नमुना परीक्षण गरिएकोमा ६ सय ८४ जनाको रिपोर्ट नेगेटिभ देखिएको हो ।
चीनबाट आएका एक विद्यार्थीमा कोरोना संक्रमण देखिएको थियो । त्यसपछि ४ चैतमा फ्रान्सबाट कतार हुँदै नेपाल आएकी १९ वर्षीया युवतीमा संक्रमण देखिएको थियो । यस पछि सरकारले देश नै लकडाउन गरेको थियो ।
बुधबार तेस्रो संक्रमित भेटिएका छन् ।प्रयोगशाला रिपोर्टमा थप एक जनाको पोजेटिभ रिर्पो आएसंगै नेपालमा अहिले सम्म तीन जना कोरोना पोजेटिभ भएको प्रयोगशालाका सूचना अधिकारी राजेशकुमार गुप्ताले बताए ।
