- २४ भाद्र २०८३, बुधबार / Sep 9, 2026
काठमाडौँ, ८ बैशाख। लोकप्रिय गायक तथा सर्जक कृष्ण रेउले र गायिका मेलिना राईको स्वरमा नयाँ नेपाली गीत ‘हिमाली पाखैमा’ सार्वजनिक गरिएको छ।नयाँ वर्ष २०८३ को अवसर पारेर सार्वजनिक गरिएको उक्त गीतको शब्द तथा सङ्गीत गायक कृष्ण रेउले स्वयंले तयार गरेका हुन्।
गीतमा सुदीप सागरले संगीत संयोजन गरेका छन् भने मिक्सिङ तथा मास्टरिङ श्यामश्वेत रसाइलीले गरेका हुन्। गीतको भिडियो जेरी भण्डारीको निर्देशन तथा कोरियोग्राफीमा तयार गरिएको हो।
भिडियोमा इन्दिरा सानु थापा र पूर्णबहादुर गन्धर्वको अभिनय देख्न सकिन्छ। छायांकन दिनेश पराजुलीले गरेका छन् भने सम्पादन नवीन घर्ती मगरले गरेका हुन्।
उक्त गीत कृष्ण रेउले अफिसियल युट्युब च्यानल मार्फत सार्वजनिक गरिएको हो। हिमाली परिवेश र प्रेम कथामा आधारित यस गीतले दर्शक तथा श्रोतामाझ राम्रो प्रतिक्रिया पाइरहेको निर्माण पक्षले जनाएको छ।
