- २२ श्रावण २०८३, शुक्रबार / Aug 7, 2026
कोरोना कहरकै बिचमा भारतले नेपालको सार्वभौमिक्ता माथि आँच पु¥याएको सीमाविद् बुद्धिनारायण श्रेष्ठले बताएका छन् । भारतले पिथौरागढ नजिकैबाट गुन्जी, कालापानी लिपुलेख अन्तिम सम्म पुग्ने ८० किलोमिटर सडकको उद्घाटन गर्यो ।
यसले नेपालको सार्वभौमिक्ता माथि दखल पु¥याएको दावी गर्दै भारतले बलमिच्याई गरी नेपाली भुमिमाथि सडक बनाउनु नेपालको स्वतन्त्रतामाथि आघात पु¥याएको बताए । भारतीय रक्षामन्त्रीले सडक उद्घाटन गर्दा भारतीय सेना प्रमुख मनोज मुण्डा, डिफेन्स स्टाफको चिफ विपिन रावतलाई साँची राखेर उसले लिपुलेख त्रीदेशीय विन्दु बनाउन खोज्यकोले नेपाल सरकारले यसको सोधिखोजी गर्नु पर्ने बताए ।
यो सडक लिपुलेख पुगिसके पछि चीनको लाइन अफ कन्ट्रोल बिन्दु सम्म पुग्न भारतीय सेनालाई सहज भएको र लिपुलेख भन्ज्याङ त्रीदेशीय बिन्दु भएको भन्नु सरासर गलत भएको श्रेष्ठले बताए । आफ्नो सम्पूर्ण भूभाग माथि भारतले हेर्दा हेर्दै हत्याउनुले नेपाल सरकारले टुलुटुलु हेरेर बस्न नहुने बताए ।
नेपालको लालपूर्जा भएरको जमिन कसरी त्रीदेशीय विन्दु हुन्छ ? श्रेष्ठले प्रश्न गर्दै लिम्पियाधुरा नै त्रीदेशीय बिन्दु भएको बताए । नेपाललाई सुँइको सम्म नदिएर नेपालको स्वाधिन्तामाथि आघात पु¥याएको, सन् २०१५ देखि ५२० करोड रुपया छुट्याएर भारतले उत्त सडक बनाएको, यतिका वर्ष सम्म नेपाल सरकारले थाह नपाउनु र नेपाललाई कुनै जानकारी नै नदिएर उल्टै नेपाली जमिन हडप्नु दुखद भएको बताए ।
लिम्पियाधुराबाट निस्कीएको नदिलाई सुगौली संन्धीमा स्पष्ट काली नदि हो भनेर किटान गरिएको छ । त्यो नदि यताको ३७२ वर्गकिलोमिटर भुभागलाई भारतले अकुपाई गरेर राखेको छ । जुन नेपालीको लालपुर्जा सहितको जमिन हो । काली नदी पूर्वको सम्पूर्ण भूभाग नेपालको हो, यतिका वर्ष सम्म नेपाल सरकारले किन ध्यान दिएन ?
विश्व कोरोना भाइरसको महामारीमा परिरहेको बेला भारतको यस्तो हर्कतले नेपाली जनतालाई पीरोली रहेको छ । परराष्ट्रमन्त्रालयले विज्ञप्ती निकालेर केहि हुनेवाला छैन । सरकारले कुटनैतिक रुपमा बाध्य भएर कुरा गर्नु पर्छ र उसले अकुपाई गरेर राखेको त्यो सम्पूर्ण भूभाग फिर्ता गर्नु पर्छ ।
नेपाल सरकार सुतेर बस्नु पर्ने बेला नभएको भन्दै श्रेष्ठले उत्त भूभागको सबै प्रमाण नेपालसंग हुदा हुदै पनि सरकारले खुट्टा कमाउन नहुने बताए ।
