- २७ असार २०८३, शनिबार / Jul 11, 2026
भक्तपुर । बागमती प्रदेशस्तरीय धिम्य बाजा प्रतियोगितामा भक्तपुर सूर्यविनायक नगरपालिकाको सिरुटारस्थित धिमय् खलः प्रथम भएको छ । चाँगुनारायण नगरपालिका ताथलीस्थित धिमय् खल दोस्रो र मध्यपुरथिमि नगरपालिकाको मध्यपुर धिमय् खलः तेस्रो भएका छन् ।
भक्तपुर मानन्धर संघको संयोजन र काठमाडौं महानगरपालिकाको सहकार्यमा दतात्रयमा भएको वागमती प्रदेशस्तरीय धिमय् बाजा प्रतियोगिता सम्पन्न भएको छ । प्रतियोगितामा लूनिभाः धिमे खलः प्रथम, ताथली धिमे खलः द्धितीय र मध्यपुर श्री राज गणेश धिमे खलः, तृतीय भएको आयोजकले जनाएको छ ।
प्रथम हुने खलःलाई नगद २५ हजार, दुई वटा धिमे बाजा, एकएक जोर भुछ्या र सिछ्या, द्वितीय हुने खलःलाई नगद १५ हजार, एक वटा धिमे बाजा र एक जोर भुछ्या तथा तृतीय हुने खलःलाई नगद १० हजार रुपैयाँ र एक वटा धिमे प्रदान गरिएको छ । उक्त प्रतियोगितामा प्रदेशका ५० वटा धिमय् खलः को सहभागिता रहेको थियो ।
