- ३१ असार २०८३, बुधबार / Jul 15, 2026
७ साउन २०७७ काठमाडौं । नेपाल राष्ट्र बैङ्कले बजारमा ल्याएको एक हजार रुपैयाँको नयाँ नोटमा नेपालमै जन्मिएको जुम्ल्याहा हात्तीको फोटो राखेको छ । अहिलेसम्म प्रयोग हुँदै आएको अफ्रिकन हात्तीको फोटो बुधबारदेखि हटाइएको छ ।
२०६५ सालमा चितवनमा जन्मिएका जुम्ल्याहा हात्तीको तस्बीर हाल बजारमा आएको नोटमा समेटिएको छ । ती हात्तीको नाम ‘राम–लक्ष्मण’ राखिएको थियो । २०६९ सालको मंसिर महिनामा बजारमा केही नयाँ नोट छाप्न दिनुपर्ने अवस्था आएकाले नोट तथा सिक्का डिजाइन समितिको बैठक बसेको थियो ।
त्यतिबेला समितिका संयोजक तत्कालीन गभर्नर डा। युवराज खतिवडा थिए भने डेपुटी गभर्नर थिए महाप्रसाद अधिकारी ।सो समितिले २०७० सालमा नै निर्णय गरेको भए पनि मन्त्रिपरिषदले निर्णय गर्नेदेखि छपाइ प्रक्रिया सुरु गर्नेसम्मको प्रक्रियामा नै ढिलाइ भएको थियो ।
