भर्खरै : Sorry, your browser does not support inline SVG.
नवदुर्गाको धार्मिक तथा सांस्कृतिक महत्व उजागर गर्न ‘अस्त्र टेम्पल क्वेस्ट २०८३’ | भक्तपुरको इतिहास र संघर्ष नयाँ पुस्तालाई बुझाउनुपर्छ : बिजुक्छेँ | यूएईमा भीषण सडक दुर्घटना : २३ गाडी ठोक्किँदा १४ जनाको मृत्यु, ३० घाइते | पर्वतीय क्षेत्र र जलवायु परिवर्तनका मुद्दालाई संस्थागत एजेन्डा बनाउन नेपालको आग्रह | माइक्रोबस दुर्घटनामा एउटै गाउँका १३ जनाको मृत्यु, चक्रघट्टामा शोकबिदा | आइतबारदेखि वर्षा र हिमपातको सम्भावना, खेतमै धान छ भने तत्काल भित्र्याउन आग्रह | प्रधानमन्त्रीको विशेष सुरक्षा सल्लाहकारमा कार्की नियुक्त, पत्र बुझ्न भने अस्वीकार | १० करोड खर्चेको कान्तिताल अलपत्र, लागुऔषध दुर्व्यसनीको अखडा बन्दै |

सुदूरपश्चिम ‘ठूलीरात’ धुमधामका साथ मनाउदै

बैतडी । सुदूरपश्चिममा आज ठूलीरात धुमधामका साथ मनाइँदैछ । पुस १५ु सबै भन्दा लामो रात हुने विश्वास रहिआएकाले आजको रातलाई ठूलीरात भन्ने गरिएको हो। रातमा मिठा( मिठा खानेकुरा पकाउने, जाग्राम बस्ने, डेउडा खेल्ने र बिहान उज्यालो नहुँदै नुहाईधुवाई गर्ने चलन चलिआएको यहाँका स्थानीयले बताएका छन् ।

पहिले पहिले आजको राती उखु पेलेर गुड बनाउने,उखान टुक्‍का भन्ने र कथा कहाँनी वाचन गरेर रात कटाउने चलन थियो । तर पछिल्लो समयमा यो चलन विस्तारै हराउँदै गएको छ। पुस १५ को रात गाउँका सबै मानिस एउटै घरमा जम्मा भएर मुढाबाल्ने चलन अहिले हराँउदै गएको छ ।

आजको रात तरुल, सखरखण्ड, फर्सीलगायतका कन्दमूल खाने चलन रहेको छ। घिउमा पकाएका सेलरोटी, माडा खाने चलन पनि रहेको संस्कृतिका जानकार बताउछन् । पुसको महिना धेरै चिसो हुने भएकाले चिसोबाट बच्न घिउमा पकाएका खानेकुरा खाने चलन रहिआएको छ ।

विशेषगरी रातभरि नसुतेर यो पर्व मनाउने परम्परा रहे पनि बदलिंदो परिवेशसँगै यसको महत्व हराउँदै गएको छ। दिनहरु बिस्तारै लामो हुँदै जाने र असार १५ मा वर्षकै ठूलो दिन मानिन्छ।

 


Thali Mobile Pvt.Ltd.