- ५ कार्तिक २०८३, बिहीबार / Oct 22, 2026
१३ बैशाख २०७७, भोजपुर । हतुवागढी गाउँपालिकाका एक युवकलाई कोरोनाभाइरस संक्रमित पुुष्टि भएको ४० घण्टा बितिसक्दा पनि उपचारका लागि अस्पताल नपठाएर उनको स्वास्थ्यमाथि नै खेलबाड भएको छ ।
शुक्रबार उनलाई कोरोना अस्पताल विराटनगर पठाउने तयारी गरिएपनि कोरोना संक्रमित पुरुषका परिवार र उनको सम्पर्कमा रहेकाहरुको स्वाव लिने काम निकै ढीलो गरि चलेको थियो । सरोकारवाला निकासंगको समन्वयमा ढिलाहुदा लिन नसकिएको हतुवागढी गाउँपालिकाका अध्यक्ष प्रेमकुमार राईको भनाई छ ।
गत ३० फागुनमा साउदीबाट काठमाडौं हुँदै चैत्र ११ गते भोजपुरको होम्ताङस्थित घर पुगेका उनको ९ वैशाखमा आरडीटी रिपोर्टमा पोजिटिभ देखिएको थियो । उनको धरानमा भएको पीसीआर परीक्षणमा पनि पोजेटिभ नै देखिएको थियो ।
कच्ची बाटो र हिडेर जानुपर्ने भएकाले स्वाव लिन ढिलाई भएको र स्वास्थ्य चौकी पग्न कठिन भएको स्वास्थ्य चौकीको भनाइ छ । ढिलै भएपनि उनका परिवार र आफन्तका ८ जना र भलिवल खेलेका र सँगै खाएकाहरु ६ गरी १४ जनाको स्वाव लिइएको जिल्ला स्वास्थ्य कार्यालय भोजपुरले जनाएको छ ।
स्वास्थ्य सामाग्री नहुँदा समस्या भएको स्वास्थ्य चौकी इन्चार्जले बताएका छन् । व्यक्तिगत सुरक्षाको लागि आवश्यक सामग्री गाउँपालिकामा नभएपछि समस्या भएको हो । मास्क, पिपिई लगायतका सामगी २ देखि ३ दिनसम्म धुदै लगाउनुपर्ने बाध्यता रहेको प्राथमिक स्वास्थ्य केन्द्रका ल्याव एसिस्टेन्ट उमेश राईको भनाई छ ।
गाउँपालिकामा थर्मल गन, मास्क समेत पर्याप्त छैन । जिल्ला स्वास्थ्य कार्यालय र प्रदेश सरकारले समेत स्वास्थ्यकर्मीलाई आवश्यक व्यक्तिगत सुरक्षाका समाग्री उपलब्ध गराउन नसकेको उनको जिकिर छ ।
