- ८ असार २०८३, सोमबार / Jun 22, 2026
दाङ । लुम्बिनी प्रदेशका मुख्यमन्त्री डिल्लीबहादुर चौधरीले पदबाट राजनीनामा दिने तयारी गरेका छन् । यसबारे निर्णय गर्न संसदलीय दलको बैठक बोलाएका छन् । दिउँसो एक बजे संसदीय दलको बैठक बोलाएको र बहुमत पुगे विश्वासको मत लिने, नपुगे पदबाट राजनीनामा दिने मनसाय बनाएको कांग्रेस प्रमुख सचेतक जन्मजय तिमिल्सिनाले बताए । प्रदेश सभाको चौथो अधिवेसनको पहिलो बैठकमा विश्वासको मत लिने कार्यसूची छ ।
तर, आफ्नो पक्षमा बहुमत नपुग्ने अवस्था रहे मुख्यमन्त्री चौधरीले राजनीनामा दिने तयारी गरेको उनको भनाइ छ । नेकपा माओवादी केन्द्रले चैत २३ मा समर्थन फिर्ता लिएपछी वर्तमान सरकार अल्पमतमा परेको थियो । वैशाख १४ गते आठ राजनीतिक दल र एक स्वतन्त्रगरी ५३ जना सांसदको समर्थनमा मुख्यमन्त्रीमा नियुक्त भएका थिए । ८७ सदस्यीय प्रदेशसभामा राप्रपाका एक जना सांसद निलम्बनमा परेपछि ८६ सदस्य कायम छ ।
बहुमतका लागि ४४ सांसद आवश्यक पर्छ । कांग्रेस २७, नागरिक उन्मुक्ति पार्टीका ४, राप्रपा ३, लोसपा ३, जनमत ३, जनमोर्चा का १ जना प्रदेशसभा सदस्य छन् । मुख्यमन्त्री चौधरीले राप्रपालाई आफ्नो साथमा लिएपछी पनि बहुमत पु¥याउन सक्ने अवस्था छैन । कांग्रेस, नागरिक उन्मुक्ती पार्टी, राप्रपा, लोसपा, जनमत र जनमोर्चाको गरेर जम्मा ४१ जना प्रदेश सभा सदस्य छन् ।
एमालेका २९, माओवादी सभामुख बाहेक १०, जसपा ३, एकीकृत समाजवादी एक र एक जना स्वतन्त्र प्रदेश सभा सदस्यको साथ लिएर नयाँ सरकार बनाउन बहुमत पुग्ने देखिन्छ । साथै लुम्बिनीमा माओवादीले नयाँ सरकार बनाउन दलहरु संग छलफल थालेको छ ।
