- १ कार्तिक २०८३, आईतवार / Oct 18, 2026
जनकपुरधाम । महोत्तरी प्रहरीले लागूऔषध नाइट्राभेट–१०सहित बर्दिवास–सम्सी सडक खण्डअन्तर्गत औरही नगरपालिका–४ कठुधारबाट काभ्रे र सिरहाका युवकलाई लागूऔषधसहित प्रहरीले पक्राउ गरेको छ ।
महोत्तरी प्रहरीका प्रवक्ता एवं डीएसपी प्रकाश विष्टले बा.४६प ६२७३ नम्बरको मोटरसाइकलमा सवार काभ्रेको मण्डनदेउपुर नगरपालिका–६ बस्ने २५ वर्षीय सरोज विक र सिरहाको गोलबजार नगरपालिका–४ बस्ने २३ वर्षीय आकाश ठाकुर पक्राउ परेको जानकारी दिए ।
उनीहरुबाट भारतबाट ल्याइएको २ हजार ९ सय ८२ थान नाइट्राभेट–१० बरामद गरिएको र निजहरुले मोटरसाइकलको लेगार्डमा कालो प्लाष्टिकको झोलामा झुण्डयाएर ल्याएको प्रहरीले बताएको छ ।
पक्राउ परेका उनीहरुलाई नियन्त्रणमा लिई थप अनुसन्धान भइरहेको प्रहरीले जनाएको छ ।
