- २२ फाल्गुन २०८२, शुक्रबार / Mar 6, 2026
काठमाडौं, २२ फागुन । झापा निर्वाचन क्षेत्र नम्बर–५ मा जारी प्रतिनिधिसभा निर्वाचनको प्रारम्भिक मतगणनामा राष्ट्रिय स्वतन्त्र पार्टी (रास्वपा) का वरिष्ठ नेता बालेन साह अग्रस्थानमा देखिएका छन् ।
पछिल्लो मतपरिणाम अनुसार बालेन साहले १ हजार ४ सय ७८ मत प्राप्त गरेका छन् । उनका निकटतम प्रतिस्पर्धी नेकपा एमालेका अध्यक्ष केपी शर्मा ओलीले ३ सय ८४ मत प्राप्त गरेका छन् । प्रारम्भिक परिणाममा साह ओलीभन्दा दोब्बरभन्दा बढी मतले अगाडि रहेका छन् ।
यसैगरी तेस्रो स्थानमा श्रम संस्कृति पार्टीका समीर तामाङ रहेका छन्। उनले हालसम्म १ सय ३९ मत प्राप्त गरेका छन् । अन्य उम्मेदवारमध्ये नेपाली कम्युनिस्ट पार्टी (नेकपा) का रञ्जित तामाङले ५९ मत तथा नेपाली कांग्रेसकी मन्धरा चिमरियाले ४२ मत प्राप्त गरेका छन् ।
मतगणना जारी रहेकाले अन्तिम परिणाम आउन अझै समय लाग्ने निर्वाचन अधिकारीहरूले बताएका छन्। प्रारम्भिक चरणमै बालेन साहले ठूलो अन्तरको अग्रता लिएकाले झापा–५ को प्रतिस्पर्धा चासोका साथ हेरिएको छ।
