भर्खरै : Sorry, your browser does not support inline SVG.
रुकुम पूर्वबाट प्रचण्ड विजयी, नेकपाले खोल्यो जितको खाता | काठमाडौं–८ मा विराजभक्त श्रेष्ठको सानदार जित, सबै प्रतिस्पर्धीको जमानत जफत | काठमाडौं–१ मा रास्वपाको पहिलो जित, रञ्जु न्यौपाने भारी मतान्तरले विजयी | जुम्ला मतगणना अपडेट: राप्रपाका ज्ञानेन्द्र शाही अग्रता, नेकपा दोस्रो स्थानमा | झापा–५ मतगणना अपडेट: बालेन साह ओलीभन्दा दोब्बर बढी मतले अगाडि | नवलपरासीमा मतगणना तयारी पूरा, केही समयमै सुरु हुने | प्रतिनिधिसभा मतगणना अपडेट: राष्ट्रिय स्वतन्त्र पार्टी ४१ स्थानमा अग्रता, एमाले ५ र कांग्रेस ३ क्षेत्रमा अगाडि | इरान–इजरायल युद्ध चर्कियो : मिसाइल आक्रमण, तेहरानमा विस्फोट र खाडी क्षेत्रमा तनाव |

कोशी, बागमती, गण्डकी र लुम्बिनी प्रदेशमा ठूलो वर्षाको सम्भावना, सतर्क रहन आग्रह

कोशी, बागमती, गण्डकी र लुम्बिनी प्रदेशमा ठूलो वर्षाको सम्भावना, सतर्क रहन आग्रह

काठमाडौं, ३१ असार । देशका धेरै स्थानमा रातभर लगातार वर्षा भए पनि हाल अधिकांश क्षेत्रमा वर्षा रोकिएको छ भने केही ठाउँमा हल्का पानी परिरहेको छ। तर आज दिउँसो र राति पनि अधिकांश प्रदेशमा वर्षाको सम्भावना रहेको मौसम पूर्वानुमान महाशाखाले जनाएको छ।

महाशाखाका अनुसार दिउँसो विशेषगरी कोशी, बागमती, गण्डकी र लुम्बिनी प्रदेशका एक/दुई स्थानहरूमा ठूलो पानी पर्न सक्ने सम्भावना छ। त्यसैगरी रातिको समयमा पनि कोशी, गण्डकी, लुम्बिनी र कर्णाली प्रदेशका केही स्थानमा भारी वर्षा हुने पूर्वानुमान गरिएको छ।

महाशाखाले कोशी प्रदेशका तराई क्षेत्र र मधेश प्रदेशका केही स्थानहरूमा हावाहुरी चल्न सक्ने सम्भावना रहेको जनाएको छ। यसकारण तटीय तथा जोखिमयुक्त क्षेत्रका बासिन्दालाई सतर्कता अपनाउन, आवश्यकता अनुसार सुरक्षित स्थानमा बस्न र स्थानीय प्रशासनको सूचनामा ध्यान दिन आग्रह गरिएको छ।

वर्षा हुने सम्भावना भएका क्षेत्रहरूमा बाढी, पहिरो र डुबानको जोखिम पनि हुने भएकाले विशेष सावधानी अपनाउन विज्ञहरूको सुझाव छ।